ចិនប្តឹងអាមេរិក នៅអង្គការ WTO ពីបទរារាំងអាជីវកម្មរថយន្តមិនឱ្យទិញអាគុយរថយន្តអគ្គិសនីរបស់ចិន
ប្រទេសចិនបានដាក់ពាក្យប្តឹងទៅអង្គការពាណិជ្ជកម្មពិភពលោក (WTO) ដោយចោទប្រកាន់សហរដ្ឋអាមេរិកពីបទរារាំងក្រុមហ៊ុនផលិតរថយន្តអគ្គិសនីក្នុងស្រុកមិនឱ្យទិញសម្ភារៈថ្មពីប្រទេសចិន។រដ្ឋាភិបាលចិនបានប្រកាសកាលពីថ្ងៃទី 26 ខែមីនាថា ខ្លួនបានដាក់ពាក្យបណ្តឹងប្រឆាំងនឹងសហរដ្ឋអាមេរិកទៅកាន់អង្គការពាណិជ្ជកម្មពិភពលោក (WTO) ជុំវិញអ្វីដែលខ្លួនហៅថាអាកប្បកិរិយារើសអើងក្នុងការឧបត្ថម្ភធនតម្លៃ ដើម្បីឲ្យក្រុមហ៊ុនឈប់ទិញថ្មរបស់ចិន។ ទីក្រុងប៉េកាំងក៏បានចោទអាមេរិកពីអាកប្បកិរិយាប្រកួតប្រជែងមិនយុត្តិធម៌។ នេះត្រូវបានគេចាត់ទុកថាជាការវិវឌ្ឍចុងក្រោយបំផុតក្នុងសង្គ្រាមពាណិជ្ជកម្មចិន-អាមេរិក។ក្រសួងពាណិជ្ជកម្មរបស់ប្រទេសចិនបាននិយាយនៅក្នុងសេចក្តីថ្លែងការណ៍មួយថា ច្បាប់កាត់បន្ថយអតិផរណារបស់សហរដ្ឋអាមេរិក និងបទប្បញ្ញត្តិពាក់ព័ន្ធបានបង្ហាញពីលក្ខណៈពិសេស “រើសអើង” យ៉ាងច្បាស់លាស់ និងបានធ្វើឱ្យខូចយ៉ាងធ្ងន់ធ្ងរដល់ប្រតិបត្តិការធម្មតានៃខ្សែសង្វាក់ផ្គត់ផ្គង់រថយន្តអគ្គិសនីសកល (EV) ។ ប្រឈមមុខនឹងស្ថានការណ៍នេះ ចិនអំពាវនាវយ៉ាងខ្លាំងដល់សហរដ្ឋអាមេរិកឱ្យកែសម្រួលគោលនយោបាយឧស្សាហកម្ម…