រុស្ស៉ី-អ៊ុយក្រែន បង្កើនការវាយប្រហារតាមផ្លូវអាកាស ដាក់គ្នាទៅវិញទៅមក អង្គការសហប្រជាជាតិអំពាវនាវកាត់បន្ថយភាពតានតឹង
សារព័ត៌មាន Reuters នាថ្ងៃពុធ ទី៣ ខែមករា ឆ្នាំ២០២៤បានផ្សាយថា កាលពីថ្ងៃអង្គារសប្តាហ៍នេះ ប្រមុខសិទ្ធិមនុស្សនៃអង្គការសហប្រជាជាតិ (UN) លោក Volker Turk បានអំពាវនាវឱ្យមានការបន្ធូរបន្ថយជាបន្ទាន់នូវអរិភាពក្នុងសង្រ្គាមរវាងរុស្ស៉ីនឹងអ៊ុយក្រែន ចំពោះមុខការកើនឡើងនៃសកម្មភាពវាយប្រហារតាមផ្លូវអាកាសដាក់គ្នាទៅវិញទៅមក។ការិយាល័យសិទ្ធិមនុស្ស UN បានចេញសេចក្តីថ្លែងការណ៍យ៉ាងដូច្នេះថា «អរិភាពហាក់កំពុងតែមានការកើនឡើងយ៉ាងខ្លាំងគួរឱ្យបារម្ភ ហើយប្រជាជនស៉ីវិលរាប់សិបនាក់បានបាត់បង់ជីវិតទាំងនៅខាងអ៊ុយក្រែននិងនៅខាងរុស្ស៉ី។ ច្បាប់មនុស្សធម៌អន្តរជាតិហាមឃាត់ដាច់ខាតនូវការវាយប្រហារមិនរើសមុខ ក៏ដូចជាការវាយប្រហារ…