ប្រែសម្រួល : កញ្ញាដាលីស (ដេល្លីម៉េល) ៖ ក្រុមអ្នកវិទ្យាសាស្ត្រអាចបណ្តុះឆ្អឹងដូចស្នែងក្តាន់នៅលើថ្ងាសរបស់សត្វកណ្ដុរ ដោយផ្សាំកោសិកាដើមពីសត្វក្តាន់។
ស្នែងក្តាន់ជ្រុះហើយដុះឡើងវិញជារៀងរាល់ឆ្នាំ ហើយក្នុងរដូវផ្ការីក ស្នែងនឹងលូតក្នុងអត្រាប្រហែលមួយអ៊ីញក្នុងមួយថ្ងៃ។
នៅក្នុងការសិក្សាថ្មីរបស់ពួកគេ អ្នកស្រាវជ្រាវមកពីសាកលវិទ្យាល័យពហុបច្ចេកទេសពាយព្យ (Northwestern Polytechnical University) ក្នុងទីក្រុងស៊ីអាន ប្រទេសចិន បានកំណត់ឃើញកោសិកាដែលទទួលខុសត្រូវចំពោះការលូតលាស់ឡើងវិញនេះ គឺមានឈ្មោះថា Cervus Nippon។
ត្រឹមតែ ៤៥ ថ្ងៃបន្ទាប់ពីការបណ្តុះកោសិកាទាំងនេះនៅលើថ្ងាសរបស់សត្វកណ្ដុរពិសោធន៍គ្មានរោម ពួកវាចាប់ផ្តើមដុះទ្រនុងតូចៗ។
ក្រុមអ្នកវិទ្យាសាស្ត្រសង្ឃឹមថា នីតិវិធីនេះនៅថ្ងៃណាមួយអាចត្រូវបានប្រើដើម្បីជួយជួសជុលឆ្អឹងឬឆ្អឹងខ្ចីនៅក្នុងខ្លួនមនុស្ស ឬ អាចធ្វើឱ្យអវយវៈដែលបាត់បង់ដុះមកឡើងវិញ៕
