សាកលវិទ្យាល័យកំពូលរបស់ថៃផ្តល់ការឈប់សម្រាកពេលមករដូវដល់និស្សិតស្រី
ប្រែសម្រួល : កញ្ញាដាលីស (ស្ត្រេតថែមស៍) ៖ សាកលវិទ្យាល័យឈានមុខរបស់ថៃបានអនុម័ត “ការឈប់សម្រាកពេលមករដូវ” សម្រាប់និស្សិតដែលទទួលរងពីអាការៈមិនស្រួលខ្លួនទាក់ទងនឹងវដ្តរដូវរបស់ពួកគេ ដែលជាការអនុវត្តដំបូងគេបង្អស់សម្រាប់មហាវិទ្យាល័យរបស់ប្រទេសនេះ។ សាកលវិទ្យាល័យធម្មសាតក្នុងខេត្តផាធុមថានីភាគខាងជើងទីក្រុងបាងកកនឹងអនុញ្ញាតឱ្យនិស្សិតដែលមានការឈឺចាប់ពេលមករដូវដូចជាឈឺពោះ ឈឺក្បាល និងអស់កម្លាំង ឈប់សម្រាកពេលកំពុងសិក្សា ដោយមិនប៉ះពាល់ដល់ចំណាត់ថ្នាក់របស់ពួកគេនោះឡើយ។ ការសម្រេចចិត្តនេះត្រូវបានអនុម័តដោយគណៈកម្មាធិការសិក្សាកាលពីសប្តាហ៍មុននិងធ្វើឱ្យធម្មសាតក្លាយជាស្ថាប័នអប់រំដំបូងគេរបស់ព្រះរាជាណាចក្រនេះដែលអនុញ្ញាតឱ្យមានសិទ្ធិឈប់សម្រាកពេលមករដូវ។ សេចក្តីថ្លែងការណ៍ពីគណនីផ្លូវការរបស់សហជីពនិស្សិតនៅលើបណ្តាញសង្គម X បានសរសេរថា “នាយកដ្ឋានសិក្សាចង់ស្នើសុំកិច្ចសហការពីមហាវិទ្យាល័យ ស្ថាប័ន…