ភ្នំពេញ៖ នារីជាកម្មការិនីរោងចក្រម្នាក់បានស្លាប់យ៉ាងអាណោចអាធ័មខណៈជិះកង់ទៅធ្វេីការត្រូវរថយន្តឃ្លុបដឹកដែកបេីកបុកពីក្រោយហើយកិនកាលពីវេលាម៉ោង៦និង៥០នាទីព្រឹកថ្ងៃទី២៨ ខែមករា ឆ្នាំ២០២៤ នៅលេីកំណាត់ផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែន។
ជនរងគ្រោះបេីយោងតាមកាតធ្វេីការមានឈ្មោះរេី ប៊ុនរ៉េត ធ្វេីការនៅរោងចក្រ វាយអេស មេនូហ្វេកឆឺរីង(ខេមបូឌា)។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញនារីរងគ្រោះជិះកង់ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងបំណងទៅធ្វេីការរោងចក្រ ខណៈមកដល់ចំណុចកេីតហេតុស្រាប់តែមានរថយន្តឃ្លុបដឹកដែក ពាក់ស្លាកលេខភ្នំពេញ3B-7729 ធ្វេីដំណេីរក្នុងល្បឿនលឿនមកពីក្រោយជ្រុលទៅបុកនិងកិនអូសជាង១០ម៉ែត្របណ្តាលឱ្យនារីរងគ្រោះស្លាប់យ៉ាងអាណោចអាធ័ម ហើយភ្លាមៗនោះប្រជាពលរដ្ឋបានឃាត់ខ្លួនតៃតុងរថយន្តបាន រួចប្រគល់ជូនសមត្ថកិច្ចដេីម្បីចាត់ការតាមនីតិវិធី។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនាំខ្លួនតៃកុងរថយន្តទៅប៉ុស្តិ៍នគរបាលចោមចៅទី២បណ្តោះអាសន្នសិនរង់ចាំប្រគល់ជូនជំនាញការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ។ ដោយឡែកសពជនរងគ្រោះសមត្ថកិច្ចប្រគល់ជូនក្រុមគ្រួសារមកទទួលយកទៅធ្វេីបុណ្យតាមប្រពៃណីនៅស្រុកកំណេីត៕
![](https://ktn7.com/wp-content/uploads/2024/01/IMG_0988-1024x768.jpeg)
![](https://ktn7.com/wp-content/uploads/2024/01/IMG_0990-1024x768.jpeg)
![](https://ktn7.com/wp-content/uploads/2024/01/IMG_0989-1024x768.jpeg)