រាជធានីភ្នំពេញ ៖ ស្ត្រីជាអាជីវករលក់គ្រឿងអលង្ការមាស និងប្លាទីនម្នាក់ ត្រូវបានកម្លាំងនគរបាលប៉ុស្តិ៍ចោមចៅទី៣ ធ្វើការឃាត់ខ្លួន សាកសួរ និងកសាងសំណុំរឿងដើម្បីចាត់ការតាមច្បាប់ ក្រោយពីទទួលបានពាក្យបណ្ដឹងរបស់ស្ត្រី២នាក់ដែលបានចោទប្រកាន់ថា ស្ត្រីសង្ស័យរូបនោះឆបោកពួកគាត់យកលុយនិងគ្រឿងអលង្ការពីពួកគាត់ទាំង២នាក់អស់សរុបអស់ជាង១ម៉ឺនដុល្លារ ព្រមទាំងលក់គ្រឿងអលង្ការកាឡៃឲ្យថែមទៀត។
នយោបាយ ជំនឿនិងសាសនា ជីវិត និងសង្គម កម្សាន្ត បច្ចេកវិទ្យា កីឡា សុខភាព ព័ត៌មានសំខាន់ៗ
ADផ្ទាំងផ្សព្វផ្សាយពាណិជ្ជកម្ម
Picture
អាជីវករលក់មាសម្នាក់ត្រូវឃាត់ខ្លួន ក្រោយស្ត្រី២នាក់ប្ដឹងថាស៊ីដាច់លុយនិងគ្រឿងអលង្ការជាង១ម៉ឺនដុល្លារ
ចែករំលែក
1 អាទិត្យ មុន
ភ្នំពេញ
០២ ខែ វិច្ឆិកា ឆ្នាំ ២០២៣ ម៉ោង ០៩:៣២
រាជធានីភ្នំពេញ ៖ ស្ត្រីជាអាជីវករលក់គ្រឿងអលង្ការមាស និងប្លាទីនម្នាក់ ត្រូវបានកម្លាំងនគរបាល
សូមចុច Subscribe កោះសន្តិភាព ព័ត៌មានទាន់ហេតុការណ៍ ព័ត៌មានពិត និងគួរឲ្យទុកចិត្ត
រាជធានីភ្នំពេញ ៖ ស្ត្រីជាអាជីវករលក់គ្រឿងអលង្ការមាស និងប្លាទីនម្នាក់ ត្រូវបានកម្លាំងនគរបាលប៉ុស្តិ៍ចោមចៅទី៣ ធ្វើការឃាត់ខ្លួន សាកសួរ និងកសាងសំណុំរឿងដើម្បីចាត់ការតាមច្បាប់ ក្រោយពីទទួលបានពាក្យបណ្ដឹងរបស់ស្ត្រី២នាក់ដែលបានចោទប្រកាន់ថា ស្ត្រីសង្ស័យរូបនោះឆបោកពួកគាត់យកលុយនិងគ្រឿងអលង្ការពីពួកគាត់ទាំង២នាក់អស់សរុបអស់ជាង១ម៉ឺនដុល្លារ ព្រមទាំងលក់គ្រឿងអលង្ការកាឡៃឲ្យថែមទៀត។
ស្ត្រីអាជីវករលក់មាស
ការឃាត់ខ្លួនស្ត្រីអាជីវករលក់មាស១រូបខាងលើនោះបានធ្វើឡើងកាលពីវេលាម៉ោងជាង១រសៀលថ្ងៃទី១ ខែវិច្ឆិកា ឆ្នាំ២០២៣ នៅចំណុចតូបលក់មាស «តូបលេខ៩៥» ស្ថិតនៅក្នុងផ្សារជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ស្ត្រីជាអាជីវករដែលត្រូវនគរបាលឃាត់ខ្លួននោះឈ្មោះ រ៉េន សុវណ្ណរី អាយុ២៥ឆ្នាំ មុខរបរលក់គ្រឿងអលង្ការមាសនិងប្លាទីន«តូបលេខ៩៥» នៅផ្សារជម្ពូវ័ន មានទីលំនៅភូមិព្រៃព្រីងជើង២ សង្កាត់ចោមចៅទី៣ ខណ្ឌពោធិ៍សែនជ័យ ។ដោយឡែកស្ត្រីជាជនរងគ្រោះប្ដឹងសុំការអន្តរាគមន៍ពីកម្លាំងនគរបាលនោះ ១-ឈ្មោះ សូត្រ ក្មិច អាយុ២៩ឆ្នាំ មុខរបរកម្មការិនីរោងចក្រ មានទីលំនៅភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ មានស្រុកកំណើត ភូមិតាម៉ោលី ឃុំស្រែស្តុក ស្រុកកណ្តៀង ខេត្តពោធិសាត់ បាត់បង់
សរុប៤,៦៩០ដុល្លារ ដោយជនសង្ស័យលក់គ្រឿងអលង្ការកាឡៃឲ្យគាត់ និង២-ឈ្មោះ ពុំ ចាន់ថន អាយុ៤៨ឆ្នាំ មុខរបរលក់ដូរ រស់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ខាតបង់អស់លុយសរុបជាង៧ពាន់ដុល្លារ ។ស្ត្រីជាជនរងគ្រោះទី១បាននិយាយថា កាលពីវេលាម៉ោងល្ងាចថ្ងៃទី១៣ ខែមិនា ឆ្នាំ២០២៣ ក្រោយចេញពីធ្វើការរោងចក្រគាត់បានធ្វើដំណើរទៅកាន់តូបលក់មាសយីហោ «ហាងលក់មាសជាង សីហា តូបលេខ៩៥» ហើយគាត់បានទិញខ្សែកមាស១ខ្សែទម្ងន់១តម្លឹងដែលមានតម្លៃ២,៣៩០ដុល្លារ។លុះដល់វេលាម៉ោង១០ព្រឹក ថ្ងៃទី៩ ខែតុលា ឆ្នាំ២០២៣ គាត់បានយកកងដៃរបស់គាត់១ឈុតទៅដូរយកកងដៃម៉ូដថ្មី១ឈុតពីជនសង្ស័យដដែលនោះក្នុងតម្លៃ២,៣០០ដុល្លារទៀត។ស្ត្រីរូបនេះបាននិយាយបន្តទៀតថា ក្រោយមកស្រាប់តែគ្រឿងអលង្ការទាំងនោះបានប្រែពណ៍ទៅជាខ្មៅ គាត់បានសង្ស័យថាវាជារបស់កាឡៃក៏បានឆាតសួរទៅស្ត្រីអ្នកលក់ឈ្មោះ រ៉េន សុវណ្ណរី ហើយជនសង្ស័យរូបនេះបានប្រាប់ថាចាំបុណ្យភ្ជុំរួចចាំដូរថ្មីឲ្យ ខណៈនោះគាត់ក៏បានរង់ចាំតាមការសន្យា ។ ប៉ុន្តែក្រោយពេលបុណ្យភ្ជុំបិណ្ឌរួចទៅហើយ ជនសង្ស័យរូបនេះបានគេចវេស ដោះសារម្ដងអញ្ចេះម្ដងអញ្ចុះពុំទទួលខុសត្រូវសោះ ទើបគាត់សម្រេចដាក់ពាក្យបណ្ដឹងតែម្ដង។ចំណែកស្ត្រីឈ្មោះ ពុំ ចាន់ថន បានប្រាប់ឲ្យដឹងដែរថា កាលពីអំឡុងខែមិនា ឆ្នាំ២០២៣ គាត់បានយកគ្រឿងអលង្ការមាស១តម្លឹង និងលុយចំនួន៥ពាន់ដុល្លារទៅឲ្យស្ត្រីសង្ស័យរូបនោះរំលាយដើម្បីធ្វើគ្រឿងអលង្ការម៉ូដថ្មី ហើយដោយសារតែទុកចិត្តថាជាម៉ូយដែលគាត់ធ្លាប់តែទិញនិងលក់កន្លងមកនោះ ទើបគាត់ហ៊ានប្រគល់ទាំងគ្រឿងអលង្ការនិងលុយឲ្យមុនបែបនេះ ។ ខណៈនោះជនសង្ស័យបានធានាអះអាងថារយៈពេល១អាទិត្យប៉ុណ្ណោះនិងធ្វើឲ្យហើយរួចរាល់ជូនគាត់ហើយ ប៉ុន្តែដល់ពេលកំណត់បែរជាថាធ្វើមិនទាន់រួច ហើយចេះតែសន្យាម្ដងថាថ្ងៃនេះ និងម្ដងថាថ្ងៃនោះប្រើលេសដោះសារមិនចេះចប់មិនចេះហើយសោះ ទើបគាត់លែងជឿជាក់តទៅទៀត រួចក៏ដាក់ពាក្យប្ដឹងសុំការអន្តរាគមន៍ពីនគរបាលឲ្យចាប់ខ្លួនស្ត្រីរូបនោះសួរនាំ។ក្រោយទទួលបានពាក្យបណ្ដឹងពីស្ត្រីរងគ្រោះទាំង២នាក់ខាងលើនោះហើយ នគរបាលប៉ុស្តិ៍ចោមចៅទី៣ បានធ្វើការឃាត់ខ្លួនជនសង្ស័យនាំទៅសាកសួរ ហើយស្ត្រីនោះបានសារភាពថាខ្លួនពិតជាបានធ្វើសកម្មភាពឆបោកជនរងគ្រោះមែន ហើយពេលនេះខ្លួនគ្មានលទ្ធភាពសងទេ ។ បន្ទាប់មកនគរ បាលប៉ុស្តិ៍ចោមចៅទី៣ បានកសាងសំណុំរឿងបញ្ជូនខ្លួនទៅផ្នែកព្រហ្មទណ្ឌនគរបាលខណ្ឌពោធិ៍សែនជ័យ ដើម្បីកសាងសំណុំរឿងបន្ថែមបញ្ជូនបន្តទៅកាន់សាលាដំបូងរាជធានីភ្នំពេញចាត់ការតាមច្បាប់ ៕ប្រភពកោះ
