ខេត្តបាត់ដំបង ៖ កាលពីរសៀលថ្ងៃទី០៣ មិថុនា ឆ្នាំ២០២៤នេះ គ្រាប់កាំភ្លើងយន្តធុន១២,៧ម.ម ចំនួន០៦កេស ស្មើនឹងចំនួន៥១០គ្រាប់ ត្រូវក្រុមទាហានឈុតខ្មៅថៃ ដើរល្បាតប្រទះឃើញគេលាក់ទុកនៅក្បែរព្រំដែនកម្ពុជា នៅចំណុចភូមិណងបន ឃុំធុងកាណាន ស្រុកសយដាវ ខេត្តច័ន្ទបុរី ប្រទេសថៃ ឈមនឹងឃុំអូររំដួល ស្រុកភ្នំព្រឹក ខេត្តបាត់ដំបង ចម្ងាយប្រមាណ៥០០ម៉ែត្រពីព្រំដែន ។a gun thai
គ្រាប់កាំភ្លើងយន្តធុនធ្ងន់នេះ ទាហានថៃ ប្រទះឃើញច្រកក្នុងការ៉ុងចំនួន០២កប់ក្នុងរណ្ដៅ និងគ្រប់ពីលើដោយស្លឹកឈើនៅក្នុងព្រៃមួយកន្លែង នៅក្បែរព្រំដែនកម្ពុជា-ថៃ ។ ប៉ុន្តែគេមិនទាន់ដឹងពីប្រភពច្បាស់លាស់នៃគ្រាប់កាំភ្លើង ឬជនអនាមិកដែលលាក់ទុកគ្រាប់នោះទេ ។ ប្រភពដដែលបានបញ្ជាក់ថា គ្រាប់កាំភ្លើងធុន១២,៧ម.ម មានចំនួន០៦កេស ស្មើនឹងចំនួន៥១០គ្រាប់ នៅមានគុណភាពល្អ ថ្មីស្រឡាងតែម្ដង ។
កាលពីអំឡុងដើមឆ្នាំ២០២៤ ក្រុមទាហានឈុតខ្មៅថៃ ក៏ធ្លាប់ចេញដើរល្បាតប្រទះឃើញអាវុធយុទ្ធភណ្ឌ និងគ្រាប់កាំភ្លើងជាច្រើនប្រភេទដែលជនមិនស្គាល់មុខលាក់ទុកនៅក្នុងទឹកដីនៃប្រទេសថៃ ក្បែរព្រំដែនកម្ពុជា ត្រង់ចំណុចដដែលនេះចំនួន០៣លើកកន្លងមកហើយ ហើយលើកនេះជាលើកទី០៤ ។ រកឃើញ លើកទី១ នៅថ្ងៃទី ០៩ មករា ដែលមានកាំភ្លើងធុន Ak-47 ចំនួន២២ដើម, កាំភ្លើងធុនM-16 ចំនួន១៥ដើម. គ្រាប់បែកដៃចំនួន១៤០គ្រាប់ កាំភ្លើងយន្តធុន១២,៧ម.ម ចំនួន០១ដើម និង គ្រាប់កាំភ្លើងយន្តធុន១២,៧ម.ម ចំនួន៥១០គ្រាប់។
លើកទី២ ទាហានថៃ បានរកឃើញគ្រាប់កាំភ្លើងបន្ថែមទៀត នៅថ្ងៃទី២២ មករា ក្បែរកន្លែងដដែល ដោយរកឃើញគ្រាប់កាំភ្លើងយន្តធុន១២,៧ម.ម ចំនួន១២កេស ស្មើនឹងចំនួន១,០២០គ្រាប់ ។ លើកទី៣ ក្រុមទាហានថៃដដែលបានរកឃើញគ្រាប់កាំភ្លើងយន្តធុន១២,៧ម.ម ចំនួន០៣កេសបន្ថែមទៀត នៅរសៀលថ្ងៃទី១១ មីនា ក្បែរកន្លែងដដែលទៀតក្នុងទឹកដីថៃ ចម្ងាយពីព្រំដែនកម្ពុជា ថៃប្រមាណ៣០០ម៉ែត្រ និងលើកទី០៤នេះ រកឃើញនៅថ្ងៃទី ០៣ មិថុនា គ្រាប់កាំភ្លើងធុន១២,៧ម.ម ចំនួន០៣កេសទៀត ស្មើនឹងចំនួន៥១០គ្រាប់ ។
ព្រឹត្តិហេតុនៃការរកឃើញអាវុធយុទ្ធភណ្ឌចំនួន០៤លើកនៅក្នុងទឹកដីនៃប្រទេសថៃ ជាបន្តបន្ទាប់ខាងលើនេះ គឺគ្រាប់ និងអាវុធទាំងនេះត្រូវបានជនមិនស្គាល់មុខនាំយកទៅកប់ដីលាក់ទុកក្នុងទឹកដីប្រទេសថៃ នៅកន្លែងក្បែរៗគ្នា ហើយគេមិនទាន់ដឹងថា តើគ្រាប់ និងអាវុធយុទ្ធភ័ណ្ឌដ៏ច្រើនសន្ធឹកសន្ធាប់ទាំងនេះ ត្រូវគេនាំចូល ឬនាំចេញពីប្រភពណាឲ្យប្រាកដនោះទេ ដែលយកទៅលាក់ទុកក្នុងទឹកដីថៃ ក្បែរព្រំដែនកម្ពុជា ទើបត្រូវទាហានថៃ ដើរល្បាតប្រទះឃើញជាបន្តបន្ទាប់បែបនេះ។សមណាងហើយកម្ពុជាត្រូវគ្នាជាមួយថៃកុំអីមិនដឹងជាយ៉ាងណា?។a gun thai2a gun thai3 មាតុភូមិ
