ខេត្តព្រះសីហនុ៖ នាយកដ្ឋាននគរបាលបង្ការពន្លត់អគ្គិភ័យ និងសង្រ្គោះ នៃអគ្គស្នងការដ្ឋាននគរបាលជាតិ នៅព្រឹកថ្ងៃពុធទី២៤ ខែឧសភា ឆ្នាំ២០២៣នេះ បានឱ្យដឹងថា មានករណីអគ្គិភ័យឆេះរថយន្តមួយគ្រឿងទៀតហើយ ម៉ាក Rang Rover ពណ៌ ស កាលពីយប់មិញ នៅក្រុងព្រះសីហនុ ។
ប្រភពដដែលបន្តថា ហេតុការណ៍ខាងលេីនេះ បានកេីតឡេីងវេលាម៉ោង ០១ និង៣០នាទីរំលងអធ្រាត្រឈានចូលថ្ងៃទី២៤ ខែឧសភា ឆ្នាំ២០២៣ ស្ថិតក្នុងចំណុច ក្រុម១ ភូមិ៦ សង្កាត់លេខ ៤ ក្រុង ខេត្តព្រះសីហនុ ខេត្តព្រះសីហនុ។
រថយន្តរងគ្រោះម៉ាកRang Rover ពណ៌ស ស្លាកលេខ កម្ពុជា FCAI 1668 ដែលមានម្ចាស់រថយន្តឈ្មោះ ទាវ គឹមភាវ ។ ចំណែកមូលហេតុនៃការឆេះ ដោយសារធ្លាយធុងប្រេងរថយន្តបង្ករជាអគ្គិភ័យធ្វើឲ្យឆាបឆេះរថយន្តតែម្តង។ រីឯការខូចខាតរួមមានឆេះរថយន្ត ០១ គ្រឿង អស់ទាំងស្រុង។
ដោយឡែកកងកម្លាំងនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០១ គ្រឿង រថយន្តរបស់ស្នងការដ្ឋាននគរបាលខេត្តព្រះសីហនុបានប្រើប្រាស់ទឹកអស់ចំនួន០១រថយន្ត, រថយន្តពន្លត់កងរាជអាវុធហត្ថខេត្តចំនួន ០១ គ្រឿង បានប្រើប្រាស់ទឹកអស់ ០១ រថយន្ត, រថយន្តពន្លត់អគ្គិភ័យកងរាជអាវុធក្រុងចំនួន ០១ គ្រឿង មិនបានប្រើប្រាស់ទឹក។
គួរបញ្ជាក់ដែរថា ករណីខាងលើនេះបានពន្លត់រលត់ទាំងស្រុងនៅវេលាម៉ោង ០២:០០ នាទីទៀបភ្លឺ ថ្ងៃខែ ឆ្នាំដដែល៕
