មេដឹកនាំសហភាពអឺរ៉ុប (EU) ទើបតែបានធ្វើការសម្រេចចិត្តជាប្រវត្តិសាស្ត្រនៅពេលដែលពួកគេបានយល់ព្រមបើកការចរចាដើម្បីទទួលយកអ៊ុយក្រែន ទោះបីជាមានការប្រឆាំងពីហុងគ្រីនិងក្នុងបរិបទនៃជម្លោះដែលកំពុងបន្តជាមួយរុស្ស៊ីក៏ដោយ។
យោងតាមសារព័ត៌មាន Reuters សហភាពអឺរ៉ុបកាលពីថ្ងៃទី 14 ខែធ្នូបានធ្វើការសម្រេចចិត្តក្នុងវិធីដែលមិនសមហេតុផលបំផុតដែលក្នុងនោះនាយករដ្ឋមន្ត្រីហុងគ្រី Viktor Orban ដែលមានទំនាក់ទំនងជិតស្និទ្ធជាមួយទីក្រុងម៉ូស្គូបានយល់ព្រមចាកចេញពីបន្ទប់ប្រជុំនៅពេលដែលមានមេដឹកនាំនៃប្រទេសសមាជិក 26 ផ្សេងទៀតនៃសម្ព័ន្ធភាពបានបោះឆ្នោតផ្តល់សច្ចាប័នលើសេចក្តីសម្រេចនេះ។
ប្រធានាធិបតីអ៊ុយក្រែនលោក Volodymyr Zelensky ក្រោយមកបានប្រកាសថា “នេះគឺជាជ័យជម្នះសម្រាប់អ៊ុយក្រែន ដែលជាជ័យជម្នះសម្រាប់អឺរ៉ុបទាំងអស់។ ជ័យជម្នះដែលជំរុញទឹកចិត្តនិងពង្រឹង”។
អ្នកការទូតនិងមន្ត្រីបាននិយាយថា នាយករដ្ឋមន្ត្រីអាល្លឺម៉ង់ Olaf Scholz បានដើរតួនាទីយ៉ាងសំខាន់ក្នុងការបង្ខំឱ្យលោក Orban ចាកចេញដើម្បីជម្រះផ្លូវសម្រាប់ការសម្រេចចិត្ត។ លោក Scholz បានពណ៌នាការផ្លាស់ប្តូរនេះថាជា “សញ្ញាដ៏រឹងមាំនៃការគាំទ្រ” សម្រាប់ទីក្រុង Kiev ។
អ្នកសង្កេតការណ៍បាននិយាយថា ទោះបីជាវានឹងចំណាយពេលច្រើនឆ្នាំសម្រាប់អ៊ុយក្រែនដើម្បីសម្រេចបានសមាជិកភាពសហភាពអឺរ៉ុបក៏ដោយ ក៏ការសម្រេចចិត្តនៅក្នុងកិច្ចប្រជុំកំពូលរបស់ប្លុកនៅទីក្រុងប្រ៊ុចសែលនៅថ្ងៃទី 14 ខែធ្នូនឹងនាំប្រទេសអឺរ៉ុបខាងកើតមួយជំហានកាន់តែខិតទៅជិតគោលដៅយុទ្ធសាស្ត្ររយៈពេលវែងនៃការផ្លាស់ប្តូរឆ្ពោះទៅរកលោកខាងលិច និងការដកខ្លួនចេញពីគន្លងនៃឥទ្ធិពលរបស់រុស្ស៊ី។
ចំណាត់ការនេះកើតឡើងនៅពេលវេលាដ៏សំខាន់សម្រាប់អ៊ុយក្រែន បន្ទាប់ពីយុទ្ធនាការវាយប្រហាររបស់ប្រទេសនេះប្រឆាំងនឹងកងទ័ពរុស្ស៊ីចាប់តាំងពីខែមិថុនា មិនទទួលបានលទ្ធផលគួរឱ្យកត់សម្គាល់ ហើយរហូតមកដល់ពេលនេះប្រធានាធិបតីអាមេរិក Joe Biden នៅតែមិនអាចបញ្ចុះបញ្ចូលសភាអាមេរិកបានតាមរយៈកញ្ចប់ជំនួយថ្មីដែលមានទឹកប្រាក់ 60 ពាន់លានដុល្លារដល់ទីក្រុង Kiev ៕ ដោយ៖ ធីរីណា
