រដ្ឋមន្ត្រីការពារជាតិអាមេរិកនិងចិនបានបើកកិច្ចសន្ទនាលើកដំបូងក្នុងរយៈពេលជាង ២ ឆ្នាំ

រដ្ឋមន្ត្រីការពារជាតិអាមេរិកនិងចិនបានបើកកិច្ចសន្ទនាលើកដំបូង បន្ទាប់ពីរយៈពេលជាង ២ ឆ្នាំ ដែលបង្ហាញថាទំនាក់ទំនងរវាងប្រទេសទាំងពីរកំពុងរលាយភាពជាប់គាំង ងាកទៅរកភាពល្អប្រសើរឡើងវិញ។
រដ្ឋមន្ត្រីការពារជាតិអាមេរិក លោក Lloyd Austin បានសន្ទនាតាមអុីនធឺណិតជាមួយរដ្ឋមន្ត្រីការពារជាតិចិន លោក Dong Quan កាលពីថ្ងៃទី ១៦ ខែមេសា។ នេះជាទំនាក់ទំនងលើកដំបូងរវាងរដ្ឋមន្ត្រីការពារជាតិនៃប្រទេសទាំងពីរបន្ទាប់ពីជាង ២ ឆ្នាំ និងជាលើកដំបូងចាប់តាំងពីលោក Dong ត្រូវបានតែងតាំងជារដ្ឋមន្ត្រីការពារជាតិនៅក្នុងខែធ្នូ ឆ្នាំ២០២៣។
ទំនាក់ទំនងនេះបានធ្វើឡើងបន្ទាប់ពីភាពតានតឹងរយៈពេលវែង ក្នុងទំនាក់ទំនងការទូត សំឡេងបំផ្ទុះគ្រាប់បែក និងជម្លោះនៅជិតសមុទ្រខាងកើតរវាងយោធានៃប្រទេសទាំងពីរ។

មន្ទីរបញ្ចកោណបាននិយាយថា លោក Dong Quan និងលោក Austin បានពិភាក្សាអំពី “ទំនាក់ទំនងការពារជាតិ ក៏ដូចជាបញ្ហាសន្តិសុខក្នុងតំបន់ និងសកលលោក” រវាងសហរដ្ឋអាមេរិក និងប្រទេសចិន ក្នុងអំឡុងពេលការហៅជាវីដេអូរបស់ប្រមុខការពារជាតិប្រទេសទាំងពីរ។
រដ្ឋមន្ត្រីការពារជាតិអាមេរិក លោក ustin បានសង្កត់ធ្ងន់លើសារៈសំខាន់នៃការគោរពសេរីភាពនាវាចរណ៍នៅសមុទ្រដែលត្រូវបានធានាក្រោមច្បាប់អន្តរជាតិ ជាពិសេសនៅក្នុងតំបន់សមុទ្រខាងកើត។
ភាគីទាំងពីរក៏បានពិភាក្សាអំពីសង្គ្រាមរបស់រុស្ស៊ីប្រឆាំងនឹងអ៊ុយក្រែន ការបង្កហេតុរបស់កូរ៉េខាងជើងនាពេលថ្មីៗនេះ ទំនាក់ទំនងការពារជាតិអាមេរិក-ចិន និងបញ្ហាសន្តិសុខពិភពលោក។
រដ្ឋមន្ត្រី Austin បានរំលឹកឡើងវិញថា “សហរដ្ឋអាមេរិកនៅតែប្តេជ្ញាចិត្តចំពោះគោលនយោបាយ “ចិនតែមួយ” ដ៏យូរអង្វែងរបស់យើង ដែលដឹកនាំដោយច្បាប់ទំនាក់ទំនងតៃវ៉ាន់” ហើយបានអះអាងសាជាថ្មីអំពីសារៈសំខាន់នៃសន្តិភាព និងស្ថិរភាពនៅទូទាំងច្រកសមុទ្រ។
ការបន្តទំនាក់ទំនងរវាងយោធាទាំងពីរគឺជាទំនាក់ទំនងចុងក្រោយបង្អស់នៃទំនាក់ទំនងរវាងសហរដ្ឋអាមេរិកនឹងចិនដែលប្រសើរឡើងចាប់តាំងពីកិច្ចប្រជុំកំពូលរវាងប្រធានាធិបតី Joe Biden និងប្រធានាធិបតី Xi Jinping ក្នុងខែវិច្ឆិកា ឆ្នាំ២០២៣ នៅរដ្ឋកាលីហ្វ័រនីញ៉ា (សហរដ្ឋអាមេរិក)៕ ដោយ៖ ធីរីណា