ជាតិពុលក្នុងឈាមលើសកម្រិត គឺជាមូលហេតុចម្បងនៃជំងឺទាំងនេះ

ឈាម គឺជាសារធាតុរាវដ៏មានសារ:សំខាន់ខ្លាំងបំផុតសម្រាប់រាងកាយ ហើយគ្មានអ្វីអាចជំនួសបានឡើយ។ ប៉ុន្តែសារធាតុរាវមួយប្រភេទនេះ ក៏ងាយនឹងទទួលរងនូវផលប៉ះពាល់ផងដែរ តាមរយ:ការបរិភោគអាហារប្រចាំថ្ងៃ ជាពិសេស កូឡេស្តេរ៉ុល ជាតិស្ករ និងជាតិគីមីតែម្តង។ ប្រសិនបើឈាម មានផ្ទុកជាតិពុលកាន់តែច្រើន រាងកាយទាំងមូលត្រូវប្រឈមនឹងគ្រោះថ្នាក់កាន់តែខ្លាំងឡើង អាស្រ័យហេតុនេះអ្នកត្រូវតែសម្អាតឈាម ឲ្យបានទៀងទាត់។
ខាងក្រោមនេះ គឺជាជំងឺមួយចំនួនដែលកើតឡើងដោយសារតែជាតិពុលក្នុងឈាម៖

ខូចប្រព័ន្ធរំលាយអាហារ
បំពង់អាហារដើរតួនាទីយ៉ាងសំខាន់ក្នុងការកម្ចាត់ជាតិពុល ប៉ុន្តែបើឈាមមានផ្ទុកជាតិពុលច្រើនពេកមិនត្រឹមតែរំខាន់ដល់ការកម្ចាត់ជាតិពុលនោះទេ វាក៏អាចបណ្តោលឲ្យកើតជំងឺដំបៅក្រពះ ការរំលាយអាហារមិនល្អ ទល់លាមក និងជំងឺឬសដូងបាតផងដែរ។

ផ្លាស់ប្តូរអ័រម៉ូន
ជាតិពុលក្នុងឈាមមិនត្រឹមតែអាចប៉ះពាល់ដល់អ័រម៉ូន estrogen ក្នុងរាងកាយ ប៉ុណ្ណោះទេ វាក៏អាចបង្កឲ្យអតុល្យភាពអ័រម៉ូនចំពោះស្ត្រីផងដែរ។ ជាតិពុលក្នុងឈាម អាចបង្កឲ្យមានជំងឺស្បូន ហូរឈាមធ្ងន់ធ្ងរ រមួលក្រពើ ផ្លាស់ប្តូរអារម្មណ៍។ល។ ខណ:ដែលបុរសវិញ អាចធ្វើឲ្យចំនួនមេជីវិតឈ្មោលថយចុះ។

បាត់បង់ការចង់ចាំ
ឈាមមានផ្ទុកជាតិពុល អាចបណ្តោលឲ្យកើតមានជំងឺបាត់ការចង់ចាំ អារម្មណ៍មិនល្អ ធ្លាក់ទឹកចិត្ត។ ជំងឺបាត់ការចង់ចាំនេះ មិនត្រឹមតែកើតមានចំពោះមនុស្សចាស់នោះទេ សូម្បីតែមនុស្សវ័យក្មេងក៏ប្រឈមដូចគ្នាដែរ។

ខូចថ្លើម និងតម្រងនោម
ថ្លើម និងតម្រងនោម ជាអ្នកទទួលខុសត្រូវចំពោះការកម្ចាត់កាកសំណល់ពុលចេញពីរាងកាយ ប៉ុន្តែបើឈាមមានផ្ទុកជាតិពុលច្រើនពេក វានឹងធ្វើការហួសកម្រិត ដែលបណ្តោលឲ្យសរីរាង្គទាំងនេះត្រូវបំផ្លាញ។ លើសពីនេះទៅទៀត បេះដូងក៏អាចចុះខ្សោយ ដោយសារតែជាតិពុលក្នុងឈាមផងដែរ។

ជំងឺស្បែក
នៅពេលដែលឈាមមានជាតិពុលខ្ពស់ វាអាចបណ្តោលឲ្យមានជំងឺស្បែកដូចជា ជំងឺត្រអក រលាកស្បែក មុន និងអាឡែស៊ី ជាដើម។

មហារីក
ការរួមផ្សំជាមួយនឹងកត្តាជាច្រើនដូចជា អាហារមិនល្អ របៀបរស់នៅគ្មានផាសុខភាព ភាពតានតឹងញឹកញាប់ ខ្វះសកម្មភាពរាងកាយ ការបំពុលបរិស្ថាន… អាចនាំឲ្យការប្រមូលផ្តុំជាតិពុលលើសកម្រិត។ សារធាតុពុលនៅក្នុងឈាមច្រើនពេក ក៏នាំឲ្យមានជំងឺមហារីកដែរ៕

មតិយោបល់