Update ៖ ករណីចោរលួចបើកសុីម metfone ដកលុយពី ABA របស់ម្ចាស់គណនី ឈ្មោះ Rany Beauty អស់ ១០មុឺនដុល្លារ នោះ អាចមានពន្លឺវិញហើយ ខណៈសមត្ថកិច្ចជំនាញកំពុងដំណើរការនីតិវិធី

ភ្នំពេញ ៖ ពិតជាបានជ្រាបគ្រប់ៗគ្នាហើយ កាលពីថ្ងៃទី៣១ ខែឧសភា ឆ្នាំ២០២៣កន្លងទៅ ពាក់ព័ន្ធទៅនឹងម្ចាស់គណនី facebook មួយមានឈ្មោះថា ( Chhuy Bunleng ) បានបង្ហោះរៀបរាប់ ប្រាប់អំពី ចោរបានលួចទៅបើកស៊ីម metfone ជាលេខរបស់គាត់ ហើយភរិយារបស់គាត់ ជាអ្នកប្រើ និងភ្ជាប់ជាមួយកុង ABA ឈានដល់លួចបើកប្រាក់អស់ចំនួន ១០មុឺនដុល្លារចេញពីកុង ។ បច្ចុប្បន្នមានពន្លឺខ្លះៗហើយ បន្ទាប់ពីសាមីខ្លួន បានសហការជាមួយ ធនាគារ ABA…

កម្ពុជា បរិច្ចាគជំនួយមនុស្សធម៌ចំនួន ៣០ម៉ឺនដុល្លារអាមេរិក ដល់មីយ៉ាន់ម៉ា ដើម្បីរួមចំណែកដោះស្រាយផលប៉ះពាល់គ្រោះមហន្តរាយព្យុះស៊ីក្លូនម៉ូឆា

ភ្នំពេញ៖​ យោងតាម​សេចក្ដីប្រកាសព័ត៌មានរបស់ក្រសួង​ការបរទេស​ និង​សហប្រតិបត្តិការ​អន្តរជាតិ​ នាព្រឹកថ្ងៃទី០២ ខែមិថុនា ឆ្នាំ២០២៣នេះ​ បានឱ្យដឹងថា​ រាជរដ្ឋាភិបាលកម្ពុជា បានផ្ដល់ជំនួយ មនុស្សធម៌ក្នុងទឹកប្រាក់ចំនួន ៣០០.០០០ ដុល្លារអាមេរិក (បីសែនដុល្លារអាមេរិក) ដើម្បីជួយគាំទ ដល់កិច្ចខិតខំប្រឹងប្រែងជាបន្តរបស់សាធារណរដ្ឋសហភាពមីយ៉ាន់ម៉ា ក្នុងការដោះស្រាយផលប៉ះពាល់ នៃគ្រោះមហន្តរាយព្យុះស៊ីក្លូនម៉ូឆា នាពេលថ្មីៗនេះ ដែលបានបង្កនូវសោកនាដកម្មបាត់បង់អាយុ ជីវិតមនុស្សរាប់រយនាក់ ព្រមទាំងការខូចខាតទ្រព្យសម្បត្តិនិងហេដ្ឋារចនាសម្ព័ន្ធ នៅក្នុងរដ្ឋរ៉ាក់ខាញ នៃប្រទេសមីយ៉ាន់ម៉ា។ នៅក្នុងពិធីប្រគល់-ទទួល ដែលបានប្រារព្ធធ្វើនៅថ្ងៃទី០២ ខែមិថុនា ឆ្នាំ២០២៣ នៅទីស្តីការ ក្រសួង ដោយមានវត្តមានចូលរួមរបស់ឯកឧត្តម…

ករណីក្មេងប្រុសសិស្សសាលាអាយុ១៤ឆ្នាំនាំគ្នាទៅលេងទឹកបណ្តាលអោយលង់ស្លាប់ម្តាយយំអោបសពកូន…

ភ្នំពេញ:នៅវេលាម៉ោង១៧:១០នាទីថ្ងៃទី០១ ខែមិថុនា ឆ្នាំ២០២៣ មានករណីក្មេងលង់ទឹកបណ្ដាលឲស្លាប់កើតឡើង០១លើកស្ថិតនៅចំណុចស្រះទឹក(រណ្ដៅដី)ភូមិទួលតាឡាត់ សង្កាត់កំបូល ខណ្ឌកំបូល រាជធានីភ្នំពេញ។ _ជនរងគ្រោះ(សព)ឈ្មោះ សម្បត្តិ រាជ ភេទប្រុស អាយុ១៤ឆ្នាំ មុខរបរសិស្ស ទីលំនៅបច្ចុប្បន្នភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ +ដំណើររឿង÷មុនពេលកើតហេតុជនរងគ្រោះនិងមិត្តភក្តិប្រហែល០៥នាក់បានមកលេងទឹកនៅស្រះទឹក ទីតាំងកើតហេតុខាងលើ ហើយជនរងគ្រោះក៏បានរអិលជើងធ្លាក់ទៅកន្លែងទឹកជ្រៅលិចលង់បាត់តែម្ដង ហើយក្មេៗដទៃទៀតក៏បានរាយការណ៍ទៅសមត្ថកិច្ចនិងក្រុមសង្គ្រោះ៩១១ដើម្បីមុជទឹករាវរកសពជនរងគ្រោះ។ _បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី។

សមត្ថកិច្ចឃាត់ខ្លួនជនសង្ស័យករណីហិង្សាព្រួតគ្នាយកដាវនិងកាំបិតបុ័ងតោកាប់ជនរងគ្រោះបណ្កាលអោយរងរបួស…

ភ្នំពេញ:នៅថ្ងៃទី២៥ ខែឧសភា ឆ្នាំ២០២៣ វេលាម៉ោង ១៩ និង ៣០ នាទី កម្លាំងការិយាល័យបានស្រាវជ្រាវឃាត់ខ្លួនជនសង្ស័យចំនួន ០៥ នាក់នៅផ្សារត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ពាក់ពន្ធ័ប្រព្រឹត្តបទល្មើស ហិង្សាដោយចេតនាមានស្ថានទម្ងន់ទោស(ព្រួតគ្នាវាយជនរងគ្រោះបណ្តាលឲ្យរងរបួស) នៅក្នុងរាជធានីភ្នំពេញ ចំនួន ០២ ករណី ៖ករណីទី១ ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ព្រួតគ្នាយកដាវ និងកាំបិតប៉័ងតោកាប់បណ្តាលឲ្យជនរងគ្រោះរងរបួសធ្ងន់ និងខូចខាតម៉ូតូចំនួន ០៦ គ្រឿង) ប្រព្រឹត្តនៅចំណុចហាងយីហោជួបមិត្ត ផ្លូវបេតុង…

ដឹកឈេីចាស់​ បង្កប់ឈេីថ្មី​ កំលាំងមេព្រៃឃាត់ទុក​ !

ខេត្តក្រចេះ ៖ រថយន្តវ៉េអងមួយគ្រឿងដឹកឈើគ្រឿងផ្ទះចាស់ៗដោយមានបង្កប់ឈើអារថ្មីផងនោះក៏ត្រូវបានកម្លាំងនៃសង្កាត់រដ្ឋបាលព្រៃឈើអូរគ្រៀងសហការបង្ក្រាបយកមកចាត់ការតាមច្បាប់ព្រៃឈើ។ ការបង្ក្រាបនោះកម្លាំងសង្កាត់រដ្ឋបាលព្រៃឈើអូរគ្រៀងសហការជាមួយមន្រ្តីបរិស្ថានដែនជម្រកសត្វព្រៃសំបូរបន្ទាប់ពីទទួលបានព័ត៌មានថាមានរថយន្តវ៉េអងលួចដឹកឈើគ្រឿងផ្ទះចាស់ បង្កប់ឈើអារថ្មី។ នាយសង្កាត់រដ្ឋបាលព្រៃឈើអូរគ្រៀង លោក កែវ ចំណាន បានប្រាប់ថា នៅព្រឹកថ្ងៃទី២ ខែមិថុនាឆ្នាំ២០២៣រថយន្ដដែលកម្លាំងសហការឃាត់បាននោះម៉ាកDEAWOO ប្រភេទ វេ៉អង ក្បាលពណ៌ស ទ្រុងពណ៌ទឹកប៊ិក ពាក់ស្លាកលេខត្បូងឃ្មុំ ៣A.០៩៣៦ ហើយមានដឹកឈើគ្រឿងផ្ទះចាស់បង្កប់ឈើអារថ្មីគ្មានលិខិតអនុញ្ញាតនោះទេ ទើបត្រូវបានកម្លាំងសហការធ្វើការបង្រ្គាបបានតែម្តងតាំងតែពីល្ងាចថ្ងៃទី៣១ ខែឧសភា ឆ្នាំ២០២៣។ ប៉ុន្តែដោយសារឈើទាំងនោះលាយឡំគ្នាច្រើនទើបកម្លាំងពិបាកធ្វើការរុះរើហើយក៏វាស់វែងរួចហើយដែរ។ រីឯរថយន្ដខាងលើនេះមានដឹកឈើអារថ្មីប្រភេទលេខ១ និងលេខ២ ចំនួន១៥០សន្លឹកប្រមាណជិត៥ម៉ែត្រគូប (៤ម៨៩៤)បង្កប់ខាងក្នុងឈើគ្រឿងផ្ទះចាស់ៗ។ បច្ចុប្បន្ន វត្ថុតាងរថយន្ដនិងឈើកំពុងរក្សាទុកបណ្ដោះអាសន្ននៅសង្កាត់រដ្ឋបាលព្រៃឈើអូរគ្រៀងដើម្បីចាត់ការតាមនីតិវិធីនៃច្បាប់ស្ដីពីព្រៃឈើ៕

ឃាត់ខ្លួនជនពាក់ព័ន្ធចំនួន ៤០នាក់​ ក្នុងបទល្មើសគ្រឿងញៀនចំនួន ១៥ករណី ទូទាំងប្រទេសថ្ងៃទី៣១ ឧសភាម្សិលមិញ!

ភ្នំពេញ៖ គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈ​ជនសង្ស័យចំនួន ៤០នាក់ (ស្រី ២នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៥ករណី ទូទាំងប្រទេសនៅថ្ងៃទី៣១ ខែឧសភា ឆ្នាំ២០២៣ម្សិលមិញ​នេះ។ ក្នុងចំណោមជនសង្ស័យចំនួន ៤០នាក់ រួមមាន៖ ជួញដូរ ៨ករណី ឃាត់ ២១នាក់ (ស្រី ២នាក់)។​ ដឹកជញ្ជូន រក្សាទុក ៣ករណី ឃាត់ ៤នាក់ (ស្រី ០នាក់)។​…

ចិនកំពុងតែឈានទៅរកការគ្រប់គ្រងក្នុងវិស័យឧស្សាហកម្មយន្តហោះពាណិជ្ជកម្ម

អស់កាលជាច្រើនឆ្នាំកន្លងមក យន្តហោះដឹកអ្នកដំណើរខ្នាតធំរបស់ប្រទេសចិនគឺសុទ្ធតែបញ្ជាទិញពីបរទេស ។ យ៉ាងណាមិញ ស្របនឹងការវិវឌ្ឍរីកចម្រើនខាងបច្ចេកវិទ្យា ប្រទេសចិនបានបង្កើតស្នាដៃថ្មីៗជាច្រើនខាងវិស័យផលិតកម្ម ក្នុងនោះយន្តហោះដឹកអ្នកដំណើរខ្នាតធំC919 ដែលស្រាវជ្រាវនិងអភិវឌ្ឍដោយឯករាជ្យម្ចាស់ការរបស់ប្រទេសចិន បានប្រសូត្រឡើងនិងដាក់ឱ្យដំណើរការជើងហោះហើរពាណិជ្ជកម្មជាផ្លូវការនៅថ្ងៃទី ២៨ ខែឧសភានេះ ដែលជាព្រឹត្តិការណ៍ប្រវត្តិសាស្ត្រនៃការប្រើប្រាស់យន្តហោះដឹកអ្នកដំណើររបស់ចិន ។ ដូចដែលយើងទាំងអស់គ្នាបានដឹងស្រាប់ហើយថា ទាំងអតីតកាលនិងបច្ចុប្បន្នកាល ផលិតផលចិនបានជ្រាបចូលជីវភាពរស់នៅ របស់ប្រជាជននៃបណ្តាប្រទេសជាច្រើនលើពិភពលោក មិនថាផលិតផលខ្នាតតូចឬធំ មិនថាផលិតផលសិប្បកម្មឬវៃឆ្លាតសិប្បនិម្មិត ។ល។ ជារួម សម្ភារៈដែលមានស្លាកសញ្ញា «Made in China» គឺមានវត្តមាននៅស្ទើរតែគ្រប់ក្រុមគ្រួសារ ដែលផលិតផលទាំងនេះបានផ្តល់ភាពងាយស្រួលយ៉ាងច្រើន ដល់ជីវភាពរស់នៅរបស់យើង ។ ឈានចូលយុគសម័យឌីជីថល…

ផលិតផលកសិកម្មរបស់កម្ពុជាចំនួន ១១ប្រភេទថែមទៀត ​ទទួលបានការអនុញ្ញាតឱ្យនាំចេញ ទៅកាន់ទីផ្សារប្រទេសចិន

ភ្នំពេញ៖​ បើតាមការបញ្ជាក់របស់លោក​ ប៉ែន​ សុវិជាតិ​ រដ្ឋលេខាធិការ​ និងជាអ្នកនាំពាក្យក្រសួពាណិជ្ជកម្ម បានឱ្យដឹងនៅថ្ងៃទី៣១​ ខែឧសភា​ ឆ្នាំ២០២៣នេះថា៖​ កម្ពុជា​ ​ទទួលបានការអនុញ្ញាត​ឱ្យនាំចេញផលិតផលជលផលពីធម្មជាតិចំនួន ១១ប្រភេទថែមទៀត ទៅកាន់ទីផ្សារប្រទេសចិន​។ ហើយផលិតផលកសិកម្មទាំង១១ប្រភេទនោះ សុទ្ធសឹងជាជលផលគ្រប់ប្រភេទទាំងទឹកសាប និងទឹកសមុទ្រ​​។ លោកអ្នកនាំពាក្យរូបនេះ​​ បានថ្លែងថា​ ពិធីសារចំនួន៣ ស្តីពីលក្ខខ័ណ្ឌ​តម្រូវនាំចូល​ សម្រាប់ផលផលិតផលជលផលកម្ពុជា​ ត្រូវបានចុះហត្ថលេខា​រវាងប្រទេសចិន​ និងកម្ពុជា​រួចរាល់ ដូច្នេះប្រទេសកម្ពុជាអាចនាំចេញ​ផលិតផលជលផល​ គ្រប់ប្រភេទទាំងទឹកសាប និងទឹកសមុទ្រទៅកាន់ទីផ្សារចិនបាន។ ប៉ុន្តែរាល់ការនាំចេញ​ក្រុមហ៊ុន ដែលមានបំណងនាំចេញ​ ត្រូវធ្វើការចុះបញ្ជីនៅអគ្គរដ្ឋបាលគយចិន (GACC)…

ម៉ូត៦គ្រឿងត្រូវបានទាហានថៃសហការជាមួយយោធាកម្ពុជារកឃើញតាមបន្ទាត់ព្រំដែន

ខេត្តបន្ទាយមានជ័យ៖ ទាហានខ្មែរ-ថៃ រួម​សហការគ្នាចាប់​ខ្លួន​អ្នករត់​ពន្ធ​ម៉ូតូ​ឆ្លង​ដែន​ខុស​ច្បាប់​នៅ​តាម​ព្រំដែន​ខេត្ត​ស្រះកែវ។ សមត្ថកិច្ចតាមព្រំដែនប្រាប់ថា នៅវេលាម៉ោង៣ទៀបភ្លឺ ថ្ងៃទី៣០ ខែឧសភា ឆ្នាំ២០២៣ លោកវរសេនីយ៍ឯក ភី យ៉ាណែត ផាតសាសាវ៉ាតវង្ស មេបញ្ជាការកងវរសេនាធំលេខ១២ ត្រូវបានប្រភពក្នុងស្រុកប្រាប់ឱ្យដឹងថា ម៉ូតូខុសច្បាប់នឹងត្រូវរត់ពន្ធឆ្លងកាត់ព្រំដែនក្នុងតំបន់ទទួលខុសត្រូវ។ ដូច្នេះ​ហើយ​ទើបបាន​រាយការណ៍​ជូន​លោក​ឧត្តមសេនីយ៍ទោ ទេព តាក់និមិត្ត មេ​បញ្ជាការ​កង​ទ័ព​ប៊ូរ៉ាផា រួច​បាន​សម្របសម្រួល​ជាមួយ ក្រុមការងារពិសេសនៃកងវរសេនាធំថ្មើរជើងលេខ១១២ បានបញ្ជាឱ្យកងអនុសេនាធំលេខ១២០៧ រៀបចំការល្បាតដើម្បីកំណត់អត្តសញ្ញាណ និងសុំកិច្ចសហការពីកងវរសេនាតូចការពារព្រំដែនលេខ៥០៣ ព្រះរាជាណាចក្រកម្ពុជា ដឹកនាំ​កម្លាំង​ចុះ​ល្បាត​យ៉ាង​តឹងរ៉ឹង​តាម​តំបន់​ព្រំដែន និង​តំបន់​សង្ស័យ​ក្នុង​តំបន់​ទទួលបន្ទុក។ ក្រោយ​មក ខណៈ​ដែល​ក្រុម​ល្បាត​រួម​ដូច​ខាង​លើ​បាន​ទៅ​ដល់​ភូមិ​បាង​ដាំ ស្រុក​អូរ​ជ្រៅ…

សមត្ថកិច្ចឃាត់ខ្លួនជនសង្ស័យចំនួន៨នាក់ ពាក់ព័ន្ធនឹងករណីប្លន់ នៅផ្សារស្ទឹងមានជ័យ…

ភ្នំពេញ:យោងតាមផេកស្នងការដ្ឋាននគរបាលរាជធានីភ្នំពេញបានឲ្យដឹងថា កាលពីថ្ងៃទី១៨ ខែឧសភា ឆ្នាំ២០២៣ មានករណី ប្លន់យកកាបូបស្ពាយ ដែលមានមាសចំនួន១២តម្លឹង,ផ្លាកទីនទឹក៣និងទឹក៧ចំនួន១០០តម្លឹងជាង និងប្រាក់ចំនួន១ លានរៀលជាង) នៅចំណុចក្រោយផ្សារស្ទឹងមានជ័យចាស់ ផ្លូវលំ ភូមិថ្មី សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ បង្កឡើងដោយជនសង្ស័យចំនួន ០៥ នាក់ ជិះម៉ូតូចំនួន ០២គ្រឿង និង រ៉ឺម៉កម៉ូតូចំនួន ០១ គ្រឿង ប្រដាប់ដោយអាវុធខ្លីចំនួន ០៤ ដើម ពីជនរងគ្រោះកំពុងដើរស្ពាយកាបូបស្ពាយ ពណ៌ ខ្មៅ…