អ្នកជំងឺអេដស៍ទីបីនៅក្នុងពិភពលោកជាសះស្បើយដោយវិធីផ្សាំខួ.រឆ្អឹងខ្នង
យូរៗម្ដង គ្រូពេទ្យអាចព្យាបាលអ្នកមានជំងឺអេដស៍/មេរោគអេដស៍ឱ្យជាសះស្បើយទាំងស្រុង។ បានសេចក្ដីថាអ្នកជំងឺអស់មេរោគអេដស៍រលីងពីក្នុងខ្លួន ដោយមិនត្រូវការប្រើប្រាស់ឱសថប្រឆាំងមេរោគអេដស៍ ឬការព្យាបាលអ្វីបន្ថែមទៀតទេ។ ជាក់ស្ដែង ថ្មីៗនេះវិទ្យាស្ថានប៉ាស្ទ័រនៅប្រទេសបារាំងប្រកាសថាអ្នកមានមេរោគអេដស៍/ជំងឺអេដស៍ម្នាក់បានជាសះស្បើយដោយប្រើប្រាស់វិធីផ្សាំខួ.រឆ្អឹងខ្នង។ Picture គ្រូពេទ្យប្រាប់ថាអ្នកជំងឺរូបនោះចូលសម្រាកព្យាបាលជំងឺមហារីកគ្រាប់ឈា.ម។ គ្រូពេទ្យក៏ប្រើប្រាស់វិធីព្យាបាលដោយផ្សាំខួ.រឆ្អឹងខ្នងរបស់អ្នកជំងឺ និងខួ.រឆ្អឹងខ្នងរបស់អ្នកបរិច្ចាគម្នាក់។ ក្រោយមក រាងកាយរបស់គាត់បង្កើតប្រព័ន្ធប្រឆាំងនឹងមេរោគអេដស៍។ ប្រព័ន្ធនេះជួយជួសជុលកោសិកាដែលប្រុងខូចដោយសារមេរោគអេដស៍ឱ្យបានស្អាតល្អឡើងវិញ។
ត្រពាំងទឹកនៅដែនជម្រកសត្វព្រៃលំផាត់ដើម្បីឱ្យសត្វព្រៃបានប្រើប្រាស់ត្រូវបានស្តារជាថ្មី
ដោយ៖ដេប៉ូ/ភ្នំពេញ៖ត្រពាំងគឺជាប្រភពទឹក និងជាទីជម្រកដ៏សំខាន់បំផុតសម្រាប់សត្វត្រយងដែលជិតផុតពូជបំផុតទាំងពីរប្រភេទ (ត្រយងយក្ស និង ត្រយងចង្កំកស) និងសត្វព្រៃជាច្រើន ប្រភេទទៀត នៅក្នុងព្រៃរបោះ ជាពិសេសនៅក្នុងរដូវប្រាំង។ អង្គការជីវិតធម្មជាតិនៅកម្ពុជាបានឱ្យដឹងនៅថ្ងៃទី ០១ខែមីនាថា៖ ត្រពាំងតាមតំបន់ធម្មជាតិមួយចំនួនកំពុងទទួលរងបាត់បង់តួនាទីក្នុងការគាំទ្រដល់សត្វព្រៃដោយសារគោករាក់ និង មានរុក្ខជាតិក្រាស់គ្របដណ្តប់ ។ ប្រភពខាងលើនេះបានបញ្ជាក់ដែរថា៖គោលបំណងស្តារទីជម្រក អង្គការជីវិតធម្មជាតិនៅកម្ពុជាបានធ្វើការស្តារត្រពាំងចំនួន១០នៅក្នុងដែនជម្រកសត្វព្រៃលំផាត់ដើម្បីរក្សាមុខងាររបស់ត្រពាំងសំរាប់សត្វត្រយងដែលជិតផុតពូជ។ យោងទៅលើពិធីសារស្តារ និង តាមដានត្រពាំងក្រុមការងារទីវាលយើងបានធ្វើការត្រួតពិនិត្យនិងតាមដានត្រពាំងជាទៀងទាត់ ។កាមេរ៉ាស្វ័យប្រវត្តិត្រូវបានប្រើប្រាស់ដើម្បីតាមដានពីវត្តមានរបស់សត្វព្រៃនៅតាមត្រពាំងដែលបានស្តារ។ អង្គការជីវិតធម្មជាតិនៅកម្ពុជាបានបង្ហាញឱ្យដឹងដែរថា៖សម្រាប់លទ្ធផលបឋមនៃការអង្គេតតាមដាន បានបង្ហាញថាសត្វព្រៃដែលកំពុងរងគ្រោះ និង ជិតផុតពូជមួយចំនួនដូចជាសត្វត្រយងយក្ស សត្វត្រយងចង្កំកស ត្រដក់តូច កុកពាក់អំបោះជាដើមបានប្រើប្រាស់ត្រពាំងដែលបានស្តារ។ កត្តាប្រឈមមួយចំនួនត្រូវបានកត់ត្រាផងដែរដូចជា ការលួចកាមេរ៉ាស្វ័យប្រវត្តិ…
អ្នកជំនាញរកឃើញមូលហេតុដែលការផឹកកាហ្វេល្អសម្រាប់លោកអ្នក
ប្រែសម្រួល : កញ្ញាដាលីស (ដេល្លីម៉េល) ៖ កាហ្វេមួយកែវក្នុងមួយថ្ងៃអាចគ្រប់គ្រាន់ដើម្បីឱ្យអ្នកនៅឆ្ងាយពីគ្រូពេទ្យ។នោះគឺព្រោះតែអ្នកស្រាវជ្រាវបានរកឃើញថា អ្នកចូលចិត្តកាហ្វេមានសម្ពាធឈាមទាបជាងនិងបេះដូងមានសុខភាពល្អជាង។ ហើយពួកគេអះអាងថា អត្ថប្រយោជន៍អាចទទួលបានដោយការផឹកកាហ្វេតែមួយពែងរៀងរាល់ព្រឹក។ ក្រុមអ្នកជំនាញអ៊ីតាលីបានពណ៌នាអំពីឥទ្ធិពលវិជ្ជមានរបស់កាហ្វេថា “មើលឃើញច្បាស់នឹងភ្នែក”។ លទ្ធផលរកឃើញពីការសិក្សាលើមនុស្សជាង ១.៥០០ នាក់នេះបានបន្ថែមទៅលើភស្តុតាងច្រើនឡើងដែលបញ្ជាក់អំពីអត្ថប្រយោជន៍សុខភាពរបស់កាហ្វេ។ ការស្រាវជ្រាវមួយចំនួនបានផ្សារភ្ជាប់កាហ្វេទៅនឹងការកាត់បន្ថយហានិភ័យនៃជំងឺបេះដូង ជំងឺខ្សោយបេះដូង និងជំងឺដាច់សរសៃឈាមខួរក្បាលខណៈការសិក្សាផ្សេងទៀតរាយការណ៍ថាកាហ្វេជួយពន្យារអាយុជីវិត។ ប៉ុន្តែគ្រូពេទ្យនៅតែខ្វែងគំនិតគ្នា ដោយព្រមានថា បរិមាណកាហ្វេច្រើនហួសប្រមាណ ដែលផ្ទុកទៅដោយជាតិកាហ្វេអ៊ីន ពិតជាអាចបំផ្លាញបេះដូងបាន។ ទីភ្នាក់ងារសុខភាពជាតិអង់គ្លេសនិយាយថា កាហ្វេលើសពីបួនកែវក្នុងមួយថ្ងៃអាចបង្កើនសម្ពាធឈាម។ ប៉ុន្តែទោះយ៉ាងណាក្តី ការសិក្សាថ្មីនៅក្នុងទស្សនាវដ្តី Nutrients បានរកឃើញថា មនុស្សដែលផឹកកាហ្វេក្នុងបរិមាណច្រើនបែបនេះមានសម្ពាធឈាមទាបជាងអ្នកមិនផឹកកាហ្វេសោះ៕
មានផ្ទៃពោះមួយសប្តាហ៍គួរតែប្រយ័ត្នពីអ្វី ?
ដោយៈ health.com.kh នៅពេលដែលអ្នកទើបតែមានផ្ទៃពោះមួយសប្តាហ៍អ្នកគួរតែប្រយ័ត្នពីចំនុចមួយចំនួនទើបកូនអាចមានសុវត្ថិភាពក្នុងពោះអ្នក។ តើមានអ្វីខ្លះទៅ? នៅពេលដែលអ្នកទើបតែមានផ្ទៃពោះអ្នកអាចមានអារម្មណ៍ឆាប់មួរម៉ៅបាន ដូចនេះអ្នកអាចប្រាប់ស្វាមីអ្នកជាមុនដើម្បីកុំឲ្យកើតរឿងឈ្លោះគ្នា។ ម្យ៉ាងទៀតអ្នកមិនត្រូវ ហាត់ប្រាណដោយធ្វើចលនាធ្ងន់ៗនោះទេ ព្រោះវាអាចប៉ះពាល់ដល់កូនក្នុងផ្ទៃ។ ជាងនេះទៅទៀតអ្នកគួរតែផ្អាក កុំញ៉ាំហិរ និង អាហារបំពង ភេសជ្ជៈដែលត្រជាក់ក៏មិនត្រូវញ៉ាំច្រើនដែរ។ ចុងក្រោយអ្នកគួរតែសម្រាកឲ្យបាន ច្រើនដោយកុំធ្វើការងារធ្ងន់ៗច្រើនឲ្យសោះ៕/PC
ផឹកទឹកច្រើនអាចសម្រកទម្ងន់
ដោយៈ health.com.kh ជឿឫមិនជឿស្រេចតែអ្នកគិតចុះ។ ប៉ុន្តែការស្រាវជ្រាវបង្ហាញថាការផឹកទឹកអាចសម្រកទម្ងន់បាន។ ការស្រាវជ្រាវបាន បង្ហាញថា ផឹកទឹកច្រើនមិនត្រឹមតែធ្វើអោយ យើងមានអារម្មណ៍តឹងពោះទេប៉ុន្តវាក៏ធ្វើអោយ យើងមិនមានអារម្មណ៍ឃ្លាន អាហារផងដែរ។ សាស្រ្តាចារ្យរងប្រេនដាដេវី(Brenda Davy) នៅសហរដ្ឋអាមេរិកបានធ្វើការសិក្សាស្រាវជ្រាវមួយ ជាមួយនឹងជនជាតិ អាមេរិកវ័យកណ្តាល និងវ័យចំណាស់ដែលធាត់លើសទម្ងន់។ អ្នកទាំងនោះត្រូវបានអោយបរិភោគអាហារដែលមាន កាឡូរីទាបនិងមាន ជាតិខ្លាញ់ទាបដូចគ្នា។ ប៉ុន្តែអ្វីដែលខុសគ្នានោះ គឺមានមួយក្រុមនោះគាត់អោយផឹកទឹក ពីរកែវមុនពេលអាហារនីមួយៗ។ រយះពេល១២សប្តាហ៍ ក្រោយមកក្រុមដែលផឹកទឹកនោះ បានសម្រកទម្ងន់ជាមធ្យម៨គីឡូក្រាម ដោយ ឡែកក្រុមផ្សេងទៀត ស្រកតែជាង៥គីឡូក្រាមប៉ុណ្ណោះ។ ដូច្នេះវាមានការខុសប្លែកគ្នាក្នុងការ សម្រកទម្ងន់ដល់ទៅក្នុងរង្វង់៣០ភាគរយ៕/PC
ប្រជាពលរដ្ឋស្រុកកំពង់ស្វាយ ទទួលបានការកែលម្អផ្លូវកៅស៊ូ១ជាន់ប្រវែង ២.៦០០ម៉ែត្រនៅឃុំសាន់គ
ដោយៈ ភ្នំសន្ទុក/កំពង់ធំ៖ ដោយឃើញពីទុក្ខលំបាកក្នុងការធ្វើដំណើររបស់បងប្អូនប្រជាពលរដ្ឋនៅក្នុងមូលដ្ឋាន ដើម្បីចរាចរណ៍ដឹកកសិផលផ្សេងៗប្រកបដោយសុវត្ថិភាព លោក អ៊ុត វណ្ណរ៉ា អភិបាលស្រុកកំពង់ស្វាយ និងក្រុមការងារថ្នាក់ស្រុកបានបើកការដ្ឋាន កែលម្អផ្លូវកៅស៊ូ១ជាន់ប្រវែង២.៦០០ម៉ែត្រ នៅឃុំសាន់គ ក្រោមការឧបត្ថម្ភគាំទ្រពីក្របខ័ណ្ឌគម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចតំបន់ ទន្លេសាបជំហាន២ TSSD-AF ស្ថិតនៅភូមិជ័យ ឃុំសាន់គ ស្រុកកំពង់ស្វាយ ខេត្តកំពង់ធំ នៅព្រឹកថ្ងៃទី០១ ខែមិនា ឆ្នាំ២០២៣។ លោក អ៊ុត វណ្ណរ៉ា បានលើកឡើងថា សមិទ្ធផលថ្មីៗ និងហេដ្ឋារចនានា ដែលកើតមានឡើងសព្វថ្ងៃអាស្រ័យដោយសារប្រទេសជាតិយើងមានសុខសន្តិភាពពេញបរិបូរណ៍ ហើយ…
តោះមកមើលរបៀបការពារ iPhone របស់អ្នកពីពួកឧក្រិដ្ឋជនអ៊ីនធឺណិតកុំឱ្យលួចចូលមើលរូបភាពនិងសាររបស់អ្នក
ប្រែសម្រួល : កញ្ញាដាលីស (ដេល្លីម៉េល) ៖ អ្នកជំនាញផ្នែកឯកជនភាពបានរកឃើញមេរោគ Bugរបស់ Apple ពីរបន្ថែមទៀត គឺតិចជាង ១០ ថ្ងៃចាប់តាំងពីក្រុមហ៊ុនបច្ចេកវិជ្ជាយក្សនេះបានបង្ហាញប្រព័ន្ធប្រតិបត្តិការ iOS 16 យ៉ាប់យ៉ឺនមួយទៀត។ មេរោគរកឃើញចុងក្រោយបំផុតនេះអនុញ្ញាតឱ្យឧក្រិដ្ឋជនតាមអ៊ីនធឺណិតឆ្លងកាត់ប្រព័ន្ធការពារសុវត្ថិភាព និងដំណើរការកូដព្យាបាទ ដើម្បីចូលប្រើរូបភាព និងសាររបស់អ្នកប្រើប្រាស់ រួមជាមួយនឹងសៀវភៅអាសយដ្ឋាននិងប្រក្រតិទិន។ មានវិធីជាច្រើនដើម្បីការពារព័ត៌មានផ្ទាល់ខ្លួនរបស់អ្នកពីពួក Hacker ដែលលាក់ខ្លួនពីក្រោយស្រមោលខ្មៅ ដូចជាការប្រើតែកម្មវិធីដែលជឿទុកចិត្តនៅក្នុង App Store និងមិនបើកសារពីអ្នកប្រើប្រាស់មិនស្គាល់មុខ។ ថ្មីៗនេះ Apple បានបន្ថែមភាពងាយរងគ្រោះថ្មីទៅក្នុងទំព័រអាប់ដេតសុវត្ថិភាពផលិតផលរបស់ខ្លួន…
Lenovo បង្ហាញកុំព្យូទ័រយួរដៃថ្មី មានអេក្រង់អាចពង្រីកថែមបាន៣អ៊ីញ
ប្រែសម្រួល : កញ្ញាដាលីស (ដេល្លីម៉េល) ៖ មិនថាវាជាពេលដែលអ្នកកំពុងធ្វើការពីផ្ទះឬពិនិត្យមើលអ៊ីមែលរបស់អ្នកនៅលើរថភ្លើងនោះទេវាតែងតែមានពេលខ្លះយើងចង់ឱ្យអេក្រង់កុំព្យូទ័រយួរដៃរបស់យើងមានផ្ទៃធំជាងមុន។ ប៉ុន្តែថ្ងៃនៃការអស់សង្ឃឹមជុំវិញការខ្វះអេក្រង់ទីពីរអាចនឹងក្លាយជារឿងអតីតកាលឆាប់ៗនេះ ដោយសារតែការបង្កើតថ្មីបំផុតរបស់ក្រុមហ៊ុន Lenovo។ ក្រុមហ៊ុនបច្ចេកវិជ្ជាយក្សមួយនេះបានបង្ហាញកុំព្យូទ័រយួរដៃដែលមានអេក្រង់អាចពង្រីកបាននៅក្នុងព្រឹត្តិការណ៍ពិព័រណ៍ទូរស័ព្ទពិភពលោក (MWC) ឆ្នាំ២០២៣។ ជាមួយនឹងការចុចប៊ូតុងតែមួយ អេក្រង់ ១២,៧ អ៊ីញនឹងចំណាយពេលត្រឹមតែ ១០ វិនាទីដើម្បីក្លាយជាអេក្រង់ទំហំ ១៥,៣ អ៊ីញ។ ខណៈឧបករណ៍អនាគតនេះកំពុងដាក់តាំងបង្ហាញនៅ MWC ក្នុងទីក្រុងបាសេឡូណា វាគ្រាន់តែជាគំរូដំបូងបំផុតប៉ុណ្ណោះ ហើយទំនងជាមិនទាន់ដាក់លក់ជាសាធារណៈក្នុងពេលឆាប់ៗនោះឡើយ។ MWC ដែលជាពិព័រណ៍ពាណិជ្ជកម្មដ៏ធំបំផុតរបស់ពិភពលោកសម្រាប់ឧស្សាហកម្មទូរគមនាគមន៍ បានត្រឡប់មកទីក្រុងបាសេឡូណាក្នុងសប្តាហ៍នេះ ដើម្បីបង្ហាញនូវបច្ចេកវិជ្ជាចុងក្រោយបំផុតនៅក្នុងស្មាតហ្វូន។ អ្នកចូលរួមរាប់ម៉ឺននាក់បានមកដល់ថ្ងៃដំបូងដើម្បីមើលថាតើម៉ាកយីហោធំៗមានអ្វីមកបង្ហាញសម្រាប់ពេលអនាគត…
ក្រុមហ៊ុន Lenovo បង្ហាញស្មាតហ្វូនមានអេក្រង់រមូលចូលគ្នា
ប្រែសម្រួល : កញ្ញាដាលីស (ប៊ីប៊ីស៊ី) ៖ ទន្ទឹមនឹងកុំព្យូទ័រយួរដៃ ក្រុមហ៊ុន Lenovo បានបង្អួតនូវស្មាតហ្វូន Moto អេក្រង់ OLED រមូលចូលគ្នាផងដែរ។ ដោយដាក់ឈ្មោះ Rizr stencilled នៅផ្នែកខាងក្រោយនៃអេក្រង់ពង្រីក (នេះប្រហែលមិនមែនជាឈ្មោះចុងក្រោយរបស់វាទេ) អេក្រង់នៅលើឧបករណ៍ Moto នេះរុំជុំវិញផ្នែកខាងក្រោមនៃទូរស័ព្ទ ហើយបែរមុខលយចេញទៅក្រៅ។ ដោយទុកចោលគ្មានអីការពារដូច្នេះ គេព្រួយបារម្ភអំពីស្នាមឆ្កូត ដោយសារអេក្រង់ដែលអាចបត់បែនបានអ៊ីចឹងមិនពូកែខាងភាពធន់នោះទេ ប៉ុន្តែវាជាការរចនាដ៏ឆ្លាតវៃពិតមែន។ ដើម្បីពន្លាអេក្រង់ គ្រាន់តែចុចប៊ូតុងពីរដងនៅលើគែមខាងស្តាំ។ ដើម្បីរមូលចូលក្នុងវិញគឺចុចប៊ូតុងដដែលពីរដង។ ទូរស័ព្ទនេះក៏មានល្បិចឡូយៗបន្ថែមមួយចំនួនផងដែរ…
រថភ្លើងបុកគ្នានៅក្រិចសម្លាប់មនុស្ស២៦នាក់ របួសយ៉ាងតិច៨៥នាក់/
ប្រែសម្រួលៈបំណង(ដេល្លីម៉េល)៖ រថភ្លើងដឹកអ្នកដំណើរមួយបានបុករថភ្លើងដឹកទំនិញមួយនៅក្រិចភាគខាងជើងកាលពីដើមថ្ងៃពុធទី១មីនា ដោយបានសម្លាប់មនុស្ស២៦នាក់និងបណ្តាលអោយរបួសមនុស្សយ៉ាងតិច៨៥នាក់ នេះបើតាមការបញ្ជាក់ពីផ្នែកអគ្គិភ័យ។ ទូររថភ្លើងជាច្រើនបានធ្លាក់ចេញពីផ្លូវដែកនិងយ៉ាងតិចទូរចំនួនបីបានផ្ទុះឆេះក្រោយការបុកគ្នាយ៉ាងខ្លាំងនៅក្បែរទីក្រុងតេមពី(Tempe) ចម្ងាយប្រមាណ៣៨០គីឡូម៉ែត្រពីទីរដ្ឋធានីអាថែន។មន្ត្រីមន្ទីរពេទ្យនៅក្នុងទីក្រុងឡារីសសា( Larissa )ក្បែរកន្លែងកើតហេតុបាននិយាយថា មនុស្ស២៥នាក់រងរបួសធ្ងន់។ ក្នុងពេលជាមួយគ្នា អ្នកនាំពាក្យសេវាអគ្គិភ័យបាននិយាយថា «ដំណើរការជម្លៀសមនុស្សកំពុងធ្វើឡើងក្រោមស្ថានភាពលំបាកណាស់ ដោយសារតែការបុកទង្គិចគ្នាខ្លាំងរវាងរថភ្លើងបើកក្នុងទិសផ្ទុយគ្នាទាំងពីរ»។ សាលពេទ្យជាច្រើនកំពុងប្រើសំរាប់ព្យាបាលជនរងគ្រោះដោយសាររលាកភ្លើងហើយរថយន្តពេទ្យជាច្រើនកំពុងចូលរួមការងារជួយសង្គ្រោះ។ ពួកអ្នកជួយសង្គ្រោះដែលពាក់ពិលលើក្បាលបានធ្វើការទាំងយប់ក្នុងផ្សែងដ៏ក្រាស់ហុយចេញពីទូររថភ្លើង ។ពួកគេទាញដែកកំពិតវៀចចេញនិងស្វែងរកជនរងគ្រោះនៅពេលអ្នកដំណើររងរបួសតិចតួចឬមិនរងរបួសត្រូវបានដឹកតាមរថយន្តទៅកាន់ទីក្រុងក្បែរនោះ ហើយប៉ូលីសបានស្រង់ឈ្មោះអ្នកនៅមានជីវិតដើម្បីអោយដឹងអ្នកបាត់ខ្លួន។ មន្ត្រីផ្លូវដែកម្នាក់បានអោយដឹងថា រថភ្លើងដឹកអ្នកដំណើរផ្ទុកមនុស្សប្រមាណ៣៥០នាក់ពេលវាជួបឧបទ្ទវហេតុ៕