អនិច្ចា!! ជិះម៉ូតូដឹកប្រពន្ធនិងកូនប្រុសត្រឡប់ពីវាស់ដីបានបុកគោរត់ឆ្លងផ្លូវ បណ្តាលឱ្យដួលម៉ូតូត្រូវរថយន្តធុនធំបើកស្របទិសកិនស្លាប់២នាក់ ចំណែកកូនប្រុសរងរបួសធ្ងន់
ខេត្តបន្ទាយមានជ័យ៖ ប្ដីប្រពន្ធបានស្លាប់ចំណែកកូនប្រុសរងរបួសធ្ងន់ បន្ទាប់ពីជិះម៉ូតូដឹកគ្នាមកពីវាស់ដីហើយបានបុកគោដែលរត់ឆ្លងផ្លូវធ្វើឱ្យដួលម៉ូតូត្រូវរថយន្តធុនធំដែលបើកស្របទិសកិនកាលពីរសៀលថ្ងៃទី០៤ ខែមីនា ឆ្នាំ២០២៣នៅតាមបណ្តោយផ្លូវជាតិលេខ៦ ខាងលិចភូមិឃុំឈ្នួរមានជ័យ ស្រុកព្រះនេត្រព្រះ។ មន្ត្រីចរាចរណ៍ជើងគោកនៃអធិការដ្ឋាននគរបាលស្រុកព្រះនេត្រព្រះបានប្រាប់ថាជនរងគ្រោះស្លាប់២នាក់មាន៖ ១-ឈ្មោះ សុខ ណាង ភេទប្រុសអាយុ៣៥ឆ្នាំ ត្រូវជាប្តី ២-ឈ្មោះ វី ឈៀប អាយុ៣៧ឆ្នាំត្រូវជាប្រពន្ធ។ រីឯកូនប្រុសរបួសធ្ងន់ឈ្មោះ សុខ សីហា អាយុ៧ឆ្នាំ រស់នៅភូមិសួនអំពៅ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ មន្ត្រីនគរបាលចរាចរណ៍បានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើងជនរងគ្រោះបានជិះម៉ូតូហុងដាឌ្រីមពាក់ផ្លាកលេខបាត់ដំបងAO-6766បានឌុបប្រពន្ធនិងកូនប្រុសម្នាក់ត្រឡប់មកពីវាស់ដីនៅខេត្តព្រះវិហារគោលបំណងត្រឡប់ទៅស្រុកវិញ ក្នុងចំណោមម៉ូតូ៣គ្រឿងមានម៉ូតូប្អូនប្រុសនិងកូនប្រសាផងដែរ។នៅពេលបើកបរម៉ូតូតាមបណ្តោយផ្លូវជាតិលេខ៦ក្នុងទិសដៅពីកើតទៅលិច ពេលមកដល់ចំណុចកើតហេតុមានគោ១ក្បាលរត់ឆ្លងផ្លូវត្រូវបានជនរងគ្រោះជិះម៉ូតូបុកពេញទំហឹងបណ្តាលដួលលើដងផ្លូវត្រូវបានរថយន្តធុនធំម៉ាកហ៊ីយ៉ាន់ដាយពាក់ផ្លាកលេខភ្នំពេញ3C.1460និងមានសណ្តោងរ៉ឺម៉កពីក្រោយពាក់ផ្លាកលេខព្រះសីហនុ4A.3008ដែលបើកបរស្របទិសគ្នាបុកហើយកិនបណ្តាលឱ្យស្លាប់ភ្លាមៗ២នាក់ប្តីនិងប្រពន្ធនិងកូនប្រុសពៅរបួសធ្ងន់ត្រូវបានសង្គ្រោះបន្ទាន់។ មន្ត្រីនគរបាលចរាចរណ៍ផ្លូវគោក បានបញ្ជាក់ថា៖…