ណាសានឹងបង្ហាញមុខអវកាសយានិកក្នុងខែមេសា សម្រាប់ដំណើរហោះជុំវិញឋានព្រះចន្ទនៅឆ្នាំក្រោយ
ប្រែសម្រួល : កញ្ញាដាលីស (ដេល្លីម៉េល) ៖ ប្រធានទីភ្នាក់ងារអវកាសអាម៉េរិកណាសាបាននិយាយកាលពីថ្ងៃព្រហស្បតិ៍ទី៩មីនាថា ណាសានឹងប្រកាសឈ្មោះអវកាសយានិកបួននាក់នៅខែក្រោយ ដែលរួមមានជនជាតិអាម៉េរិកបីនាក់និងជនជាតិកាណាដាម្នាក់ ដែលនឹងហោះជុំវិញឋានព្រះចន្ទនៅឆ្នាំក្រោយ។ អ្នកគ្រប់គ្រងណាសា លោក ប៊ីល នែលសុន (Bill Nelson) បាននិយាយថា សមាជិកបេសកកម្ម ដែលគេស្គាល់ថា Artemis 2 នឹងត្រូវបង្ហាញមុខនៅថ្ងៃទី ៣ ខែមេសា។ លោកនែលសុនបាននិយាយថា “អវកាសយានិកបីនាក់មកពីអាម៉េរិកនិងម្នាក់មកពីកាណាដា នឹងហោះហើរជុំវិញព្រះចន្ទ ហើយពួកគេនឹងសាកល្បងប្រព័ន្ធបង្ហោះយានអវកាសរបស់ណាសា ដែលជារ៉ុក្កែតរបស់យើង និងយានអវកាស ដែលមានឈ្មោះថា…