នេះជាថ្ងៃទី២ហើយក្នុងដំណើរទស្សនកិច្ចទៅកាន់ប្រទេសរុស្ស៊ី ដោយភាគីទាំងពីរសម្រេចបានតាមគោលដៅដែលគ្រោងទុក ពិសេសគឺទំនាក់ទំនងកាន់តែប្រសើរឡើងថែមទៀត ។ សារព័ត៌មាន AFP នៅថ្ងៃអង្គារ ទី២១ ខែមីនា ឆ្នាំ២០២៣ បានផ្សាយថា ប្រធានាធិបតីចិនលោក ស៉ី ជីនពីងនៅថ្ងៃអង្គារនេះបាននិយាយថា រូបលោកបានអញ្ជើញប្រធានាធិបតីរុស្ស៉ី លោក វ៉្លាឌីមៀរ ពូទីន ឱ្យទៅបំពេញទស្សនកិច្ចនៅប្រទេសចិនក្នុងឆ្នាំនេះ អំឡុងជំនួបក្រៅផ្លូវការជាមួយ លោក ពូទីន កាលពីថ្ងៃចន្ទម្សិលមិញ។ យោងតាមសេចក្តីរាយការណ៍ នៃប្រព័ន្ធផ្សព្វផ្សាយក្នុងស្រុករបស់ រុស្ស៉ីផ្ទាល់បានឱ្យដឹងថា ថ្លែងក្នុងជំនួបជាមួយនាយករដ្ឋមន្រ្តីរុស្ស៉ី លោក មីឃែល មីស៊ូសទីន…

ខេត្តស្វាយរៀង៖ មានការភ្ញាក់ផ្អើលទាំងព្រឹកដល់ប្រជាពលរដ្ឋ និងបានរាយការណ៍មកសមត្ថកិច្ចមូលដ្ឋានខណៈប្រទះឃើញសព ចងកនៅដីភូមិព្រៃកូនឈើ នៅខាងលិចមន្ទីរសម្រាកព្យាបាល អ៉ឹម បុត្រ ។ ការប្រទះឃើញសពកាលពីវេលាម៉ោង៨និង១០នាទីព្រឹក ថ្ងៃទី២១ ខែមីនា ឆ្នាំ២០២៣ ខាងលិច មន្ទីរសម្រាកព្យាបាល អ៉ឹម បុត្រ  ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។ យោងតាមសមត្ថកិច្ចនគរបាលបានឱ្យដឹងថាសពមានឈ្មោះ RENDY ONDANG ភេទប្រុសជនបរទេសមាន ភិនភាគ រាងធាត់ សម្បុរស ពាក់អាវយឺតដៃខ្លី ពណ៌លឿង ស្លៀកខោខោប៊ូយជើងខ្លី…

ភ្នំពេញ៖ គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ជនសង្ស័យចំនួន ២៩នាក់ (ស្រី ២នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៤ករណី ទូទាំងប្រទេសនៅថ្ងៃទី២១ ខែមីនា ឆ្នាំ២០២៣នេះ។ ក្នុងចំណោមជនសង្ស័យចំនួន ២៩នាក់ រួមមាន ៖  +ជួញដូរ ៥ករណី ឃាត់ ៨នាក់ (ស្រី ០នាក់) +ដឹកជញ្ជូន រក្សាទុក ៥ករណី ឃាត់ ៦នាក់ (ស្រី…

សង្គ្រាមនៅអុីរ៉ាក់ ការធ្វើបដិវត្តន៍និទាឃរដូវ នៅក្នុងបណ្តាប្រទេសតំបន់មជ្ឈិមបូព៌ាកន្លងមករបស់អាមេរិក ក្នុងគោលដៅប្រែក្លាយប្រទេសដែលសម្បូរទៅដោយធនធានធម្មជាតិ ទៅជាប្រទេសកាន់របបលទ្ធិប្រជាធិបតេយ្យ ។ ប៉ុន្តែការខិតខំរបស់អាមេរិកជាង២០ឆ្នាំកន្លងមកត្រូវបរាជ័យទាំងស្រុង ដោយមិនអាចកែប្រែអ្វីបាននៅទីនោះ ហើយថែមទាំងធ្វើឱ្យប្រទេសមួយចំនួនធ្លាក់ក្នុងវិបត្តិទ្រង់ទ្រាយធំ និងភាពក្រីក្រ។ – នៅពេលដែលសហរដ្ឋអាមេរិកចាប់ផ្តើមសង្រ្គាមអុីរ៉ាក់ក្នុងឆ្នាំ 2003 សហរដ្ឋអាមេរិកសង្ឃឹមថានឹងបង្កើតចំណុចរបត់មួយនៅក្នុងអ្វីដែលគេហៅថា “បដិវត្តន៍ប្រជាធិបតេយ្យសកល” ។ ទោះជាយ៉ាងណាក៏ដោយ ពីរទសវត្សរ៍ក្រោយមក លោកខាងលិចនៅតែមិនអាចកសាងលទ្ធិប្រជាធិបតេយ្យ “គំរូ” ដ៏គាប់ចិត្តសម្រាប់មជ្ឈិមបូព៌ាទាំងមូលបានឡើយ។ ប្រធានាធិបតីអាមេរិក George W. Bush និងរដ្ឋបាលរបស់គាត់បានផ្តល់ហេតុផលជាច្រើនដើម្បីបង្ហាញអំពីភាពត្រឹមត្រូវនៃការឈ្លានពានអុីរ៉ាក់ក្នុងឆ្នាំ 2003 ។ ក្នុងប៉ុន្មានខែដែលឈានទៅដល់សង្រ្គាម លោក…

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់ប្រធានាធិបតីចិន លោក ស៊ី ជីនពីង ថា ទីក្រុងមូស្គូបានត្រៀមខ្លួនរួចជាស្រេចដើម្បីពិភាក្សាអំពីសំណើសន្តិភាពរបស់ប្រទេសចិនដើម្បីបញ្ចប់ជម្លោះនៅអ៊ុយក្រែន។ សារព័ត៌មាន Sputnikបានផ្សាយថា នៅថ្ងៃទី២០ ខែមីនា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់ប្រធានាធិបតីចិន លោក ស៊ី ជីនពីង ថា ទីក្រុងមូស្គូបានត្រៀមខ្លួនរួចជាស្រេចដើម្បីពិភាក្សាអំពីសំណើសន្តិភាពរបស់ចិន ដើម្បីបញ្ចប់ជម្លោះនៅអ៊ុយក្រែន។ លោក ពូទីន បានធ្វើការកត់សម្គាល់ក្នុងអំឡុងពេលដំណើរទស្សនកិច្ចរយៈពេលបីថ្ងៃរបស់លោក Xi នៅប្រទេសរុស្ស៊ី។…

ខេត្តប៉ៃលិន៖ យោងតាមរបាយការណ៍របស់នគរបាលប៉ុស្ថិ៍ឃុំស្ទឹងកាច់បានឱ្យដឹងថា កាលពីវេលាម៉ោង ១៨និង០០នាទី ថ្ងៃទី២០ខែមីនាឆ្នាំ២០២៣ មានករណីក្មេងស្រីម្នាក់បានលង់ទឹកស្រះស្លាប់ ដែលករណីនេះបានទទួលព័ត៌មានពីលោកមេភូមិស្ទឹងកាច់ នៅចំណុចស្រះទឹកក្បែរស្តេចកន ស្ថិតក្នុងភូមិ ស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ បើតាមសមត្តកិច្ចមូលដ្ឋានឱ្យដឹងបន្តថា ក្មេងរងគ្រោះឈ្មោះ ប៊ុន សុម៉ាវត្តី ភេទស្រី អាយុ០៤ឆ្នាំ រស់នៅភូមិស្ទឹងកាច់ ឃុំ ស្ទឹងកាច់ ស្រុកសាលាក្រៅ ខេត្តប៉ៃលិន។ តាមការរៀបរាប់របស់ក្មេងស្រីឈ្មោះ ប៊ុន ស្រីមុំ អាយុ០៧ឆ្នាំត្រូវជាបងប្អូនជីដូនមួយជាមួយក្មេងស្រីរងគ្រោះបានប្រាប់ថា នៅមុនពេលកើតហេតុពួកខ្លួនទាំងពីរនាក់បាននាំគ្នាទៅបេះផ្លែអម្ពិលទឹកនៅជិតស្រះទឹក ខណ:កំពុងតែបេះផ្លែអម្ពិលទឹកស្រាប់តែពេលនោះផ្លែអំពិលទឹកក៏បានជ្រុះចូលក្នុងស្រះទឹក…

ខេត្តសៀមរាប៖ នៅប្រាសាទអង្គរវត្តនៃខេត្តសៀមរាប នៅព្រឹកថ្ងៃទី២១ ខែមីនា ឆ្នាំ២០២៣នេះ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត បានយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីប្រោសព្រះរាជទាន ព្រះអគ្គិជ័យកីឡា សម្រាប់ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ។ ព្រះរាជពិធីប្រោសព្រះរាជប្រទាន អគ្គិកីឡាស៊ីហ្គេម អាស៊ានប៉ារ៉ាហ្គេម ២០២៣នេះ មានការអញ្ជើញចូលរួមពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឥស្សរជនជាន់ខ្ពស់ នៃរាជរដ្ឋាភិបាលកម្ពុជាជាច្រើនរូបទៀត។…

រដ្ឋមន្ត្រីក្រសួងយុត្តិធម៌អាល្លឺម៉ង់ លោក Marco Buschmann បាននិយាយថា ទីក្រុងប៊ែរឡាំងនឹងអនុវត្តដីកាចាប់ខ្លួនប្រធានាធិបតីរុស្ស៊ី លោក វ្ល៉ាឌីមៀរ ពូទីន ប្រសិនបើលោកដើរលើទឹកដីអាល្លឺម៉ង់ ដែលជំរុញឱ្យទីក្រុងមូស្គូមានប្រតិកម្មតបតវិញយ៉ាងខ្លាំង។ កាលពីថ្ងៃទី ១៩ ខែមីនា រដ្ឋមន្ត្រីក្រសួងយុត្តិធម៌អាល្លឺម៉ង់ លោក Marco Buschmann បាននិយាយថា ទីក្រុងប៊ែរឡាំងនឹងអនុវត្តដីកាចាប់ខ្លួនដែលចេញដោយតុលាការឧក្រិដ្ឋកម្មអន្តរជាតិ (ICC) សម្រាប់ប្រធានាធិបតីរុស្ស៊ី លោក វ្ល៉ាឌីមៀរ ពូទីន ប្រសិនបើលោក ពូទីន បោះជើងចូលក្នុងទឹកដីអាល្លឺម៉ង់ ធ្វើឱ្យទីក្រុងមូស្គូមានប្រតិកម្មខ្លាំងចំពោះសេចក្តីថ្លែងការណ៍នេះ ។…

នៅក្នុងព្រះរាជសារដែលបានប្រកាសដោយរាជវាំងថៃ នៅថ្ងៃទី២០ខែមីនានេះ ព្រះមហាក្សត្រ Maha Vajiralongkorn បានចុះព្រះហស្គលេខារំលាយរដ្ឋសភា បើកផ្លូវសម្រាប់ការបោះឆ្នោត នៅពេលខាងមុខ។ ការសម្រេចនោះចូលជាធរមានភ្លាមៗ ។ តាមច្បាប់រដ្ឋធម្មនុញ្ញថៃ ការបោះឆ្នោតសកលនឹងត្រូវធ្វើឡើងក្នុងរយៈពេល ពី៤៥-៦០ថ្ងៃ ក្រោយការរំលាយរដ្ឋសភា។ សារព័ត៌មាន AFP នៅថ្ងៃចន្ទ ទី២០ ខែមីនា ឆ្នាំ២០២៣ បានផ្សាយថា នាយករដ្ឋមន្រ្តីថៃ លោក ប្រាយុទ្ធ ចាន់អូចា នៅថ្ងៃចន្ទនេះបានរំលាយសភាដើម្បីឆ្ពោះទៅរៀបចំការបោះឆ្នោតសកលអាណត្តិថ្មីនៅខែឧសភាខាងមុខ ដែលជាការបោះឆ្នោតសកលលើកទី២ ក្នុងប្រទេសថៃ គិតចាប់តាំងពីរូបលោកបានឡើងកាន់អំណាចដំបូង តាមរយៈការធ្វើរដ្ឋប្រហារយោធា…

សារព័ត៌មាន AFP នៅថ្ងៃចន្ទ ទី២០ ខែមីនា ឆ្នាំ២០២៣ រដ្ឋបាលប្រធានាធិបតីរុស្ស៊ីនៅថ្ងៃចន្ទនេះ បានស្នើឱ្យមន្ត្រីឱ្យឈប់ប្រើប្រាស់ទូរស័ព្ទ iPhone របស់ក្រុមហ៊ុន Apple ដោយសារតែការព្រួយបារម្ភថា ឧបករណ៍ទាំងនេះងាយរងគ្រោះដោយភ្នាក់ងារស៊ើបការណ៍លោកខាងលិច។ នៅក្នុងសិក្ខាសាលាមួយដែលរៀបចំឡើងដោយវិមានក្រឹមឡាំងសម្រាប់មន្ត្រីពាក់ព័ន្ធនឹងគោលនយោបាយក្នុងស្រុក លោក Sergei Kiriyenko អនុប្រធានទីមួយនៃរដ្ឋបាលប្រធានាធិបតីបានសុំឱ្យមន្ត្រីផ្លាស់ប្តូរទូរស័ព្ទរបស់ពួកគេត្រឹមថ្ងៃទី០១ ខែមេសា។ កាសែត Kommersant បានដកស្រង់សម្តីអ្នកចូលរួមក្នុងកិច្ចប្រជុំមួយរូបដែលបាននិយាយថា «អ្វីគ្រប់យ៉ាងគឺចប់ហើយ សម្រាប់ iPhone។ បោះវាចោល ឬប្រគល់វាទៅឱ្យក្មេងៗ។ អ្នករាល់គ្នានឹងត្រូវធ្វើវានៅខែមីនានេះ»។ ប្រភពដដែលនេះបានគូសបញ្ជាក់ថា វិមានក្រឹមឡាំងអាចនឹងផ្តល់ឧបករណ៍ផ្សេងទៀតជាមួយនឹងប្រព័ន្ធប្រតិបត្តិការផ្សេងគ្នាដើម្បីជំនួសទូរស័ព្ទ…