ប្រែសម្រួល : កញ្ញាដាលីស (ស៊ីនហួ) ៖ ពិព័រណ៍ឧស្សាហកម្មទិន្នន័យធំអន្តរជាតិចិនឆ្នាំ ២០២៣ បានចាប់ផ្តើមកាលពីថ្ងៃសុក្រទី២៦ឧសភានៅទីក្រុងគួយយ៉ាង (Guiyang) ដោយបង្ហាញនូវសមិទ្ធិផលចុងក្រោយបំផុតរបស់ប្រទេសនេះនៅក្នុងឧស្សាហកម្មទិន្នន័យទ្រង់ទ្រាយធំនិងការជំរុញផ្សព្វផ្សាយការផ្លាស់ប្តូរអាជីវកម្មពាក់ព័ន្ធ។
ភ្ញៀវជាច្រើនបានមកទទួលបទពិសោធន៍ជាមួយរថយន្តបើកបរស្វ័យប្រវត្តិនៅឯពិព័រណ៍ក្នុងក្រុងគួយយ៉ាងនៃខេត្តគួយចូវ (Guizhou) ភាគនិរតីនៃប្រទេសចិន។
ភ្ញៀវក៏បាននាំគ្នាមើលវីដេអូ ដែលផលិតដោយបច្ចេកវិជ្ជា Cloud Computing នៅឯពិព័រណ៍ផងដែរ។ ក្រៅពីនេះពួកគេក៏បានដើរមើលផងដែរនូវរថយន្តគំរូ DiDi Neuron ប្រព័ន្ធ 5G+Smart Healthcare ឆ្កែយន្ត រ៉ូបូតឆ្លាត ការរៀនបើកបរតាមរយៈវ៉ែនតា VR ម៉ាស៊ីន5Gឆ្លាតវៃ ម៉ាស៊ីនយន្តហោះ CJ1000A និងរថយន្តបើកស្វ័យប្រវត្តិ Robobus៕
