សង្គ្រាមអ៊ុយក្រែន ៖ កងទ័ពអ៊ុយក្រែនគូសបញ្ជាក់កាលពីថ្ងៃទី១៨ មីនាថា ប្រទេសរបស់ខ្លួនជាគោលដៅនៃការវាយប្រហារពេលយប់ ពីសំណាក់បណ្ដាដ្រូនផលិតនៅអ៊ីរ៉ង់។
ក្នុងសេចក្ដីប្រកាសមួយតាមតេឡេក្រាម កងទ័ពនេះនិយាយថា ដ្រូន១១គ្រឿងក្នុងចំណោមដ្រូនទាំង១៦គ្រឿង ដែលបញ្ជូនមកបានត្រូវបា.ញ់ទម្លាក់ តែដ្រូនដទៃទៀតបានទម្លាក់ខ្លួនវា.យប្រហារលើបណ្ដាអគារ តែមិនបណ្ដាលឲ្យមានជនរងគ្រោះឡើយ។ កងទ័ពអាកាសអ៊ុយក្រែននិយាយថា នាវេលាម៉ោង២១ ថ្ងៃទី១៧ មីនា ពួកឈ្លានពានរុស្ស៊ី បានវា.យប្រហារអ៊ុយក្រែនដោយដ្រូនអត្តឃា.តផលិតនៅអ៊ីរ៉ង់ធុនSHAHED -136-131។ ដ្រូន១១គ្រឿងក្នុងចំណោមដ្រូនទាំង១៦គ្រឿងដែលបញ្ជូនមកបានត្រូវកម្ទេច។ ដ្រូនទាំងនោះបញ្ជូនមកពីសមុទAZOV និងពីតំបន់ព្រីយ៉ានស្ក៍រុស្ស៊ីនៅជាប់ព្រំដែនជាមួយអ៊ុយក្រែន។
អភិបាលតំបន់ក្រុងLVIVលោកម៉ាក់ស៊ីមកូហ្ស៊ីតស្គីថ្លែងថា តំបន់ក្រុងនេះរងការវា.យប្រហារជាពិសេសនាវេលាម៉ោង១រំលងអាធ្រាតម៉ោងក្នុងស្រុក ដោយដ្រូនអត្តឃា.តSHAHED -136។ ដ្រូន៣ក្រឿងត្រូវបានកម្ទេច តែដ្រូនឯទៀតៗវា.យប្រហារបណ្ដាអគារនានា ក្នុងសង្កាត់យ៉ាវ៉ូរីវ បណ្ដាឲ្យមានការខូចខាតតែពុំមានជនរងគ្រោះឡើយ។ ក្នុងតំបន់ក្រុងឌីនីប្រូ ដ្រូន៣គ្រឿងត្រូវបាញ់ទម្លាក់ដោយកងកម្លាំងការពារអាកាស តែដ្រូន២គ្រឿងអាចវា.យប្រហារចំហេដ្ឋារចនាសម្ព័ន្ធសំខាន់មួយ ក្នុងសង្កាត់ណូវ៉ូម៉ូស្កូវស្ក៍ភាគខាងជើងក្រុងនេះ បណ្ដាលឲ្យមានការឆាបឆេះ និងការខូចខាតច្រើន ដោយផ្ទះ៤ខ្នងរងការបំផ្លាញនិងផ្ទះ៦ខ្នងទៀតរងការខូចខាតតែមិនបណ្ដាលឲ្យមានអ្នករបួសឡើយ៕