ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ្នក​ស្រឡាញ់​ផ្កាយ​នឹង​ទទួលបាន​ចំណី​ទស្សនីយ៍ភាព​នៅ​ចុងខែ​នេះ ខណៈ​ភព​ចំនួន​ប្រាំ​នៃ​ប្រព័ន្ធ​សុរិយគតិ​នឹង​អាច​មើលឃើញ​ពី​ផែនដី ជា​ផ្នែក​នៃ​ការ​ទន្ទឹមគ្នា​នៃ​ភព​ដ៏​កម្រ​។​

​នៅ​ថ្ងៃទី ២៨ ខែ​មីនា ភព​ព្រហស្បតិ៍ ភព​ពុធ ភព​អ៊ុយ​រ៉ា​នុស ភព​ព្រះ​អង្គារ និង​ភព​សុក្រ រំពឹង​រះ​ទន្ទឹម​ស្របគ្នា​នៅក្នុង​ផ្នែក​តូច​មួយ​នៃ​ផ្ទៃមេឃ ក្រោយ​ថ្ងៃ​លិច​ភ្លាមៗ​។​

​ភព​ពីរ​ភ្លឺ​ជាង​គឺ ភព​ពុធ​និង​ភព​ព្រហស្បតិ៍ នឹង​អាច​មើលឃើញ​នៅ​ជិត​ជើង​មេឃ ខណៈ​ភព​សុក្រ​រំពឹង​រះ​ភ្លឺ​ជាង​មុន​នៅ​លើ​មេឃ​។​

​ទោះបីជា​កែវយឹត​គឺ​ត្រូវការ​ដើម្បី​មើលឃើញ​ភព​អ៊ុយ​រ៉ា​នុស​ក៏ដោយ ក៏ប៉ុន្តែ​ភព​ព្រះ​អង្គារ​គួរតែ​អាច​មើល​បាន​ដោយ​ភ្នែក​ទទេ​នៅក្បែរ​ប្រហែល​១​ភាគ​៤​នៃ​ព្រះ​ចន្ទ​។​

​ខណៈ​វា​មិនមែន​ជា​រឿង​ចម្លែក​ក្នុងការ​ឃើញ​ភព​ពីរ​ឬ​បី​រះ​ទន្ទឹមគ្នា​នៅ​លើ​មេឃ ការ​រះ​ទន្ទឹម​គ្នា​នៃ​ភព​ទាំង​ប្រាំ​គឺជា​រឿង​មិន​ធម្មតា​នោះឡើយ​។ វា​ធ្លាប់​បាន​កើតឡើង​កាលពី​ឆ្នាំមុន ព្រមទាំង​ក្នុង​ឆ្នាំ ២០២០ និង ២០១៦ ផងដែរ​៕

By admin

Leave a Reply

Your email address will not be published. Required fields are marked *