លោក Vladimir Rogov ប្រធានចលនា We Are Together with Russia បានប្រាប់សារព័ត៌មាន Tass កាលពីថ្ងៃទី 25 ខែមីនាថា កងទ័ពរុស្ស៊ីបានទម្លុះជួរកងទ័ពអ៊ុយក្រែន ភាគពាយ័ព្យនៃទីក្រុង Verbove ក្នុងតំបន់ Zaporizhzhia ហើយបានឈានទៅមុខ 2 គីឡូម៉ែត្រ។
លោក Vladimir Rogov បាននិយាយថា “កងទ័ពរបស់យើងបានទម្លាយជួរកងទ័ពអ៊ុយក្រែននៅភាគពាយ័ព្យ Verbove និងបានឈានទៅមុខចម្ងាយ 2km ។ ពួកគេបានគ្រប់គ្រងយ៉ាងតិច 5 បន្ទាយ។ លើសពីនេះ ខ្មាំងបានទទួលរងនូវការខាតបង់យ៉ាងធ្ងន់ធ្ងរនៅក្នុងកម្លាំង” ក្នុងទិសដៅ Zaporizhzhia ។
លោក Vladimir Rogov បញ្ជាក់ទៀតថា “ជោគជ័យមួយចំនួនត្រូវបានសម្រេចនៅភាគពាយព្យ Robotyne ។ នៅទីនេះ កងទ័ពរុស្ស៊ីបានកែលម្អទីតាំងរបស់ពួកគេ ហើយក៏បានឈានទៅមុខបន្តិចនៅជិត Staromaiorske” ។
ក្រសួងការពារជាតិរុស្ស៊ីបានប្រកាសនៅចុងខែកុម្ភៈ ឆ្នាំ 2024 ថា កងកម្លាំងរបស់ទីក្រុងម៉ូស្គូបានទទួលការឈរជើងនៅ Robotyne ក្នុងប្រតិបត្តិការវាយលុកមួយ។ កងទ័ពអ៊ុយក្រែនមិនបានជោគជ័យក្នុងការដណ្តើមបានខ្សែដែលបានបាត់បង់ឡើងវិញបន្ទាប់ពីបានពង្រឹងកម្លាំងពីទិសផ្សេងទៀតចូលក្នុងតំបន់។
នៅថ្ងៃទី 22 ខែមីនា យោងតាមក្រសួងការពារជាតិរុស្ស៊ី អង្គភាពនៃក្រុមប្រតិបត្តិការបូព៌ាបានចាប់យក Mirnoye នៅ Zaporizhzhia និងធ្វើឱ្យប្រសើរឡើងនូវទីតាំងនៅជួរមុខក្នុងទិសដៅភាគខាងត្បូងនៃ Donetsk ។
ទន្ទឹមនឹងនេះ យោងតាមទីភ្នាក់ងារនេះ ប្រទេសរុស្ស៊ីបានបំផ្លាញ UAVs អ៊ុយក្រែនជាង 17,000 គ្រឿង ចាប់តាំងពីជម្លោះបានផ្ទុះឡើងនៅចុងខែកុម្ភៈ ឆ្នាំ 2022។
“សរុបមក គោលដៅខាងក្រោមត្រូវបានបំផ្លាញចាប់តាំងពីការចាប់ផ្តើមប្រតិបត្តិការយោធាពិសេស រួមមានយន្តហោះចម្បាំងចំនួន 577 គ្រឿង ឧទ្ធម្ភាគចក្រចំនួន 270 គ្រឿង UAV 17,011 គ្រឿង ប្រព័ន្ធកាំជ្រួចពីដីទៅអាកាស 489 គ្រឿង រថក្រោះចំនួន 15,598 គ្រឿង និងរថពាសដែកចំនួន 1,256 គ្រឿង។ ក្រសួងការពារជាតិរុស្ស៊ីបាននិយាយថា កាំភ្លើងធំនិងកាំភ្លើងត្បាល់ចំនួន 8,521 គ្រឿង និងរថយន្តយោធាពិសេសចំនួន 20,192 គ្រឿង ត្រូវបានកងទ័ពរុស្ស៊ីបំផ្លាញ៕ ដោយ៖ ធីរីណា
